Алматыда Абылай хан даңғылы жабылады

Алматыда Абылай хан даңғылының бір бөлігінде қозғалыс уақытша шектеледі, деп хабарлайды Tengri Auto.

Мәселен, 8 және 9 қыркүйек күндері сағат 22:00-ден 06:00-ге дейін қозғалыс Райымбек даңғылынан Мәметова көшесіне дейінгі аралықта шектеледі. Яғни, шектеу тек түнгі уақытта күшінде болады.

Фото: @Almaty_Joly

Шектеулер LRT жобасын іске асыруға байланысты енгізіліп отыр.

Аталған учаскеде ескерту жол белгілері орнатылады. Жүргізушілерден бағыттарын алдын ала жоспарлау сұралады.

Алматыдағы көлік қозғалысына қатысты өзекті шектеулер

31 тамыздан 14 қыркүйекке дейін Байзақов көшесінің Жамбылдан Шевченкоға дейінгі бөлігінде қозғалыс шектелген.

5 қыркүйектен 9 қыркүйекке дейін Алтынсарин көшесі бойымен Жандосовтан Қабдоловқа дейінгі учаскеде қозғалыс шектелді.

5 қыркүйектен 10 қазанға дейін Арықова көшесінің Жетісудан Жангелдин көшесіне дейінгі бөлігінде қозғалыс толығымен тоқтатылды.

7 қыркүйектен 8 қыркүйекке дейін Байтұрсынов көшесінен Досмұхамедов көшесіне дейінгі аралықта жол толығымен жабылады.

Сондай-ақ Қайрат шағын ауданында ТК үшін су бұру желілерін тарту жұмыстарына байланысты шектеулер қолданылады:

30 қыркүйектен 15 қазанға дейін - Тараз бен Бәйге көшелерінің қиылысынан Сұлутал мен Бәйге көшелеріне дейін. 31 тамыздан 30 қыркүйекке дейін - Сұлутал мен Бәйге көшелерінің қиылысынан Сыбызғы көшесіне дейін.

Google News арқылы жаңалықтарымызды қадағалаңыз

Жазылу