Алматыда белгілі әнші Гүлнар Сиқымбаеваның ұлы өлі күйінде табылды

Алматыда танымал қазақстандық әнші, Қазақстан мен Қырғызстанның еңбек сіңірген әртісі Гүлнәр Сиқымбаеваның жалғыз ұлы Баир Сиқымбаевтың денесі табылды. Бұған дейін ер адам хабар-ошарсыз кеткендер тізімінде болатын: ол 24 наурызда үйінен шығып кетіп, содан қайта оралмаған, - деп хабарлайды Tengri Life.

Алматыда танымал қазақстандық әнші, Қазақстан мен Қырғызстанның еңбек сіңірген әртісі Гүлнәр Сиқымбаеваның жалғыз ұлы Баир Сиқымбаевтың денесі табылды. Бұған дейін ер адам хабар-ошарсыз кеткендер тізімінде болатын: ол 24 наурызда үйінен шығып кетіп, содан қайта оралмаған, - деп хабарлайды Tengri Life.

Баир Сиқымбаевтың денесі табылғаны туралы журналист Жазира Бегалы өзінің әлеуметтік желідегі парақшасында мәлімдеді.

"Әнші Гүлнәр Сиқымбаеваның ұлы табылды. Марқұм неден қайтыс болғаны белгісіз. Естеріңізде болса, туыстары Баирдың 24 наурызда үйден шығып, хабар-ошарсыз кеткенін хабарлаған еді. Ол - Қазақстанның Еңбек сіңірген әртісі Гүлнәр Сиқымбаеваның жалғыз ұлы. Жаны жәннатта болсын", - деп жазды ол.

Instagram-дағы бұл жарияланымды көру

Жазира Бегалының (@zhazirabegaly_tv) жазбасы

Біз пікір алу үшін Алматы Полиция департаментінің баспасөз қызметіне хабарластық.

"Зорлық-зомбылық белгілері жоқ ер адамның денесі кеше Алматының Бостандық ауданында табылды. Қазіргі уақытта оқиғаның мән-жайы анықталып жатыр", - деп хабарлады ведомство.

Редакция марқұмның жақындары мен туған-туыстарына қайғырып көңіл айтады.

Еске сала кетейік, Баир Сиқымбаев Алматыда бір аптадан аса уақыт бойы іздестірілді. Lider.kz еріктілер қозғалысының мәліметінше, ол 2026 жылдың 24 наурызында сағат 13:20 шамасында Коперник көшесі, 114 мекенжайындағы үйінен шығып кетіп, содан қайтып оралмаған.

Instagram-дағы бұл жарияланымды көру

Алматы еріктілері "LIDER.KZ" (@volontery_almaty_lider.kz) жазбасы

Туыстары мен еріктілер ер адамның ерекше белгілері көрсетілген ақпаратты жариялаған болатын. Оның бойы шамамен 180–185 сантиметр, дене бітімі арықша келген, шашы қысқа, қара, көзі қоңыр екені айтылды. Жоғалған күні үстінде қара спорттық костюм болған.

Баир Сиқымбаев - 2024 жылдың 5 қазанында өмірден өткен танымал қазақстандық эстрада әншісі Гүлнәр Сиқымбаеваның жалғыз ұлы.

Гүлнәр Сиқымбаева 1961 жылы дүниеге келген. Ол Қазақстан Республикасының еңбек сіңірген әртісі және Қырғыз Республикасының еңбек сіңірген әртісі болды.

Әнші көпшілікке 1985 жылы қабылданған "Гүлдер" ансамблінің солисі ретінде танылды. Шығармашылық жолында ол қазақ, орыс, түрік және тәжік тілдерінде ән шырқады, сондай-ақ Қазақ мемлекеттік филармониясының солисі ретінде өнер көрсетті.

Әртістің кең таралған әндерінің қатарында "Мен саған өкпелемеймін" және "Мерекем – сен" туындылары бар. 2000-жылдары ол "Ұят болмасын" бағдарламасына да қатысқан.