Алматыда көшені ЖИ көмегімен тазалау қызметкерді жұмысынан айырды

Алматының Бостандық ауданында көшені "жинау" үшін жасанды интеллектіні пайдаланғандардың қалай жазаланғаны белгілі болды, деп хабарлайды Tengri Life.

Алматының Бостандық ауданында көшені "жинау" үшін жасанды интеллектіні пайдаланғандардың қалай жазаланғаны белгілі болды, деп хабарлайды Tengri Life.

Бостандық ауданының әкімдігі қызметтік тексеру жүргізілмегенін хабарлады: Левитан көшесіндегі (№125 мектепке қарама-қарсы) тазалық жұмыстарының "инновациялық" әдісінің авторы бәрін өзі мойындаған.

"Левитан көшесіндегі (№125 мектепке қарама-қарсы) тазалық жұмыстарының жасанды интеллект көмегімен өңделген фотосуреттеріне қатысты қызметтік тексеру жүргізу мәселесі бойынша мынаны хабарлаймыз: аталған факті бойынша қызметтік тергеу жүргізу талап етілмейді, өйткені мемлекеттік қызметші жіберілген құқықбұзушылықты мойындады", - деп хабарлады ведомство.

Осыдан кейін қызметкермен еңбек қатынастары тоқтатылды.

"Сонымен қатар бұл адаммен еңбек шарты бұзылды, соған байланысты оның мемлекеттік органмен қызметтік қатынастары тоқтатылды", - деп толықтырды әкімдіктегілер.

Аудан әкімдігі бұдан былай тергеу жүргізу жоспарда жоқ екенін атап өтті.

"Тәртіптік теріс қылық жасау мән-жайларын анықтауға және мемлекеттік қызметшіні тәртіптік жауаптылыққа тарту мәселесін қарауға бағытталған қызметтік тергеу мақсаттары бұл жағдайда бұдан былай іске асыруға жатпайтынын ескере отырып, қызметтік тергеуді тағайындауға және жүргізуге негіз жоқ. Осыған байланысты мәселе шешілген деп есептеледі және қосымша қызметтік процедураларды қажет етпейді", - деп түсіндірді ведомство өкілдері.

Еске сала кетейік, мамырда Алматы тұрғыны Бостандық ауданының әкімдігі көше "тазалау" үшін жасанды интеллектіні пайдаланды деп күдіктеніп, желіде жазба жариялаған.

Жазба желіде тез тарап, 100 мыңға жуық қаралым жинады. Пайдаланушылар әлеуметтік желі суреттердің бірін жасанды интеллект көмегімен жасалған немесе өңделген деп белгілегенін байқап қалған.

Бұдан бөлек, пікір қалдырушылар "дейін" және "кейін" кадрларындағы оғаштықтарға: көлеңкелердің бірдейлігіне, ракурстың сәйкестігіне және суреттердегі күмәнді ұқсас бөлшектерге назар аударды.

Скриншот: Threads

Кейін әкімдік қызметтік тергеу басталғанын, ал аумақты жинауға жауапты мердігер компания ӘҚБтК-нің 505-бабы бойынша әкімшілік жауапкершілікке тартылғанын хабарлады. Жаза түрі нақтыланбады.

Google News арқылы жаңалықтарымызды қадағалаңыз