Алматыда көшкін қаупі бар тау беткейлері нығайтылды

Фото: Алматы әкімдігі

Инженерлік жұмыстар жүргізілген аумақтар:

Таулы және жол учаскелері: «Медеу» биік таудағы мұз айдыны маңы, Шымбұлаққа апаратын автожол, Кеңсай-2 зиратына баратын жол және «Сарысай» бөгетінің эвакуациялық жолы.

Тұрғын және саяжай аймақтары: Қожамияров, Палладин, Усиков («Медеу» ТК) көшелері, «Кемел» зиратының аумағы және «Ақжартау» бау-бақша серіктестігіне кіреберіс жол.

Қазіргі уақытта барлық инженерлік шаралар толық аяқталып, бұл аумақтарда көріктендіру жұмыстары жүргізіліп жатыр.

Қытайдағы көшкіннен 21 адам қаза тапты

Жаңа учаскелер: Қаладағы көшкін қаупі бар беткейлерді тексеру жалғасып жатыр. Мамандар биыл тағы 7 қауіпті учаскені анықтады. Қазір олар бойынша жобалық шешімдер әзірленіп жатыр, дайын болған соң бекіту жұмыстары басталады.

Ақпараттандыру мен шектеулер: Төтенше жағдайлардың алдын алу үшін таулы аймақтарда арнайы ескерту қалқандары орнатылып жатыр. Тұрғындар мен туристерге ауа райының қолайсыздығы туралы SMS-хабарламалар жіберіліп, қажет болған жағдайда кейбір тау бағыттарына уақытша шектеулер енгізіледі.

Еске салайық, осыдан 1 ай бұрын Ауғанстанның провинциялары аумақтарында нөсер жаңбырдан кейін болған көшкіннен 5 адам қаза тапты.