Алматыда мылқау такси жүргізушісіне құрметсіздік танытқан блогер полицияға жеткізілді

Оның бұл қылығына әлеуметтік желінің өзге қолданушылары шағым білдірді. Кейін блогер өз қылығы үшін кешірім сұрап, бейнежазбаны өшірген.

Дегенмен, Алмалы аудандық полиция басқармасының қызметкерлері бейнежазба авторын полиция бөлімшесіне жеткізді.

- Қыз балаға қатысты түсіндіру және алдын алу әңгімесі жүргізілді, оның мақсаты – мұндай әрекеттердің қайталануына жол бермеу. Ол өз кінәсін мойындап, өкінетінін білдірді. Полиция әлеуметтік желі қолданушыларын жариялайтын контентке жауапкершілікпен қарап, қоғамдағы этика, мораль және өзара құрмет қағидаларын сақтауға шақырады, - деп хабарлады полиция.

Еске салайық, бұған дейін Астанада даулы видео жариялаған танымал блогер қамауға алынды.