Алматыда нан бағасы бекітілді енді бір бөлке нан қанша тұрады

Алматыда әлеуметтік нан бағасы 2027 жылға дейін бекітілді, деп хабарлайды Tengrinews.kz қала әкімдігіне сілтеме жасап.

Алматыда әлеуметтік нан бағасы 2027 жылға дейін бекітілді, деп хабарлайды Tengrinews.kz қала әкімдігіне сілтеме жасап.

"Алматы" ӘКК әлеуметтік қалыпты нан өндіру және өткізу мақсатында "АЛМАТЫНАН" нан-тоқаш комбинатымен қарыз шартын жасасты. Бір бөлке нанның бағасы 130 теңгені құрайды, ал ең жоғары сауда үстемесі 15 пайыздан аспайды. Бұл шаралар 2027 жылдың мамырына дейін күшінде болады.

Келісімшартқа сәйкес, кәсіпорын бірінші сұрыпты ұннан 3 846 154 бөлке бидай нанын шығарады. Жекелеген дүкендер мен сауда желілері өнімді қосымша үстемесіз сата алады.

Әлеуметтік нан ірі сауда желілері мен "үй жанындағы" дүкендерге жеткізіледі.

Қалада әлеуметтік маңызы бар азық-түлік тауарларының бағасын тежеу бағдарламасы жалғасып жатыр. Бұл үшін "Алматы" ӘКК өңірлік тұрақтандыру қорын, өндірушілерді жеңілдікпен қаржыландыруды және форвардық келісімшарттарды пайдаланады.

Құс фабрикаларының бірімен бірінші санаттағы 86,4 миллион дана жұмыртқаны бір данасына 59 теңгеден аспайтын бағамен жеткізу туралы келісім жасалған. Өнім қаланың ірі сауда желілерінде сатылымда бар.

ҚАЗІР ТАЛҚЫЛАНЫП ЖАТЫР

Салтанат Нүкенованың ағасы Бишімбаевтың қарындасымен “хайп“ жасады деген айыптауларға қатысты соттасты

12 мамыр 13:53 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Сондай-ақ тауық етін өндірушілермен де келісімдер жасалған. Сан еті мен құс еті келісіне 1 100 теңгеден, ал сирақ 1 650 теңгеден сатылады.

Аталған тауарларға баға шектеулері үш жылға дейін сақталады.

"Алматы" ӘКК отандық өндірушілерден 4 500 тонна құмшекер сатып алды. Өнім ірі сауда желілері мен басқа да дүкендер арқылы сатылып жатыр.

Қанттың сату бағасы келісіне 405 теңгені құрайды. Сауда үстемесі 10 пайызбен шектелген. Бағаны тұрақтандыру шаралары 2026 жылдың қарашасына дейін қолданылады.