Алматыда тегін ем дом жүргізілетін кеселдердің тізімі ұлғайды

Qazaq24.com, Egemen.KZ дереккөзінен алынған ақпаратқа сүйене отырып жаңалық таратады..

Алдағы 2026 жылдан бастап Алматыда әлеуметтік маңызға ие тағы да 11 түрлі кеселді анықтау, бақылау мен емдеу жағы сақтандырылған, сақтандырылмағанына қарамастан тегін болады, деп жазады Egemen.kz.

Фото: egemen.kz/Қырмызы Жұмағалиқызы

Осы орайда мегаполистегі Өңірлік коммуникациялар қызметінде Алматы қаласы Қоғамдық денсаулық сақтау басқармасы басшысының орынбасары Ләйла Иманғалиева әлеуметтік маңызы бар аурулардың тізіміне туберкулез, АИТВ, қатерлі ісіктер, созылмалы вирусты гепатиттер мен бауыр циррозы, психикалық және мінез-құлықтағы ауытқулар, орфандық аурулар, эпилепсия, инсульт пен жедел миокард инфаркті, сондай-ақ жүйке жүйесіне қатысты біраз аурудың түрі кіретінін атады.

«Маңызды өзгерістің бірі – әлеуметтік маңызға ие дертке шалдыққан жағдайда науқастың сақтандырылмағандығына қарамастан, қажетті диагностикалық тексерулер тағайындалады. Бұған дейін мұндай мүмкіндік туберкулез немесе АИТВ-инфекциясын жұқтырды деген күдік туындаған жағдайда ғана қарастырылатын», дейді Ләйла Иманғалиева.

Ол 2025 жылғы қыркүйектен бастап Алматының барлық тұрғыны онкологиялық ауруларды ерте анықтау мақсатында скринингтік тексерулерден тегін өтетінін де еске салды. Бұрын мұндай мүмкіндікке сақтандырылған азаматтардың ғана қолы жететін.

Сонымен қатар 2026 жылдан бастап МӘМС пакеті де кеңейтіледі. Оған диспансерлік есепте тұрған созылмалы аурулары бар науқастар, оның ішінде қант диабеті, артериялық гипертензия, жүректің ишемиялық ауруы, бүйрек, тыныс алу ағзалары, тірек-қимыл жүйесі аурулары мен басқа да дертпен ауыратын азаматтар енгізіледі.

«Бұл пациенттерге тегін дәрі-дәрмек алуға, амбулаториялық, стационарлық жағдайда емнің барлық қажетті түрін, оның ішінде қымбат препараттар алуына мүмкіндік береді», дейді маман.

Соңғы жаңалықтар