Алматыда үш учаске бір жақты болды жаңа схема бойынша жүру түсіндірмесі

Алматыда көшелерді біржақты қозғалысқа көшіру жалғасып жатыр, деп хабарлайды Tengri Auto.

Алматыда көшелерді біржақты қозғалысқа көшіру жалғасып жатыр, деп хабарлайды Tengri Auto.

Қалалық мобильділік басқармасының мәліметінше, 18 маусымнан бастап Медеу ауданында жаңа қозғалыс сызбасы іске қосылады. Достық даңғылының Гоголь көшесінен Жібек жолы даңғылына дейінгі бөлігі солтүстік бағытта біржақты болады.

Сондай-ақ Зенков көшесіндегі Мақатаев көшесінен Гоголь көшесіне дейінгі аралықта қозғалыс өзгереді - мұнда көліктер тек оңтүстік бағытта жүретін болады.

Бұдан бөлек, Әуезов ауданының "Атамекен" шағын ауданында да біржақты қозғалыс ұйымдастырылды. Атап айтқанда, Атамекен көшесінің № 103 үйден № 108 үйге дейінгі бөлігінде көліктер енді оңтүстік бағытқа қарай қатынайды.

Әкімдіктегілер бұл өзгерістер пилоттық режимде енгізіліп жатқанын түсіндірді. Олардың тиімділігі бағаланғаннан кейін, билік жаңа қозғалыс сызбасын одан әрі қолдану туралы шешім қабылдайды.

Бұл шешім көлік жағдайын талдау және тұрғындардың өтініштерінен кейін қабылданғаны атап өтілді.

Қала билігінің пікірінше, біржақты қозғалыс жолдарға түсетін жүктемені азайтуға, көшелердің өткізу қабілетін арттыруға және қозғалысқа қатысушылар арасындағы түсініспеушіліктерді азайтуға көмектесуі тиіс.

Еске сала кетейік, бұған дейін Медеу ауданындағы бірнеше көшенің қозғалыс сызбасы өзгерген болатын. 23 мамырдан бастап Уәлиханов көшесінің Қабанбай батыр көшесінен Қазыбек би көшесіне дейінгі бөлігі солтүстік бағытта біржақты болды. Сондай-ақ пилоттық режимде Жүков пен Манаев көшелерінің Затаевич көшесінен Ахмедьяров көшесіне дейінгі бөлігіне біржақты қозғалыс енгізілді.

Мамыр айында Алматы билігі жол қозғалысын ауқымдырақ қайта ұйымдастыру жоспарын жариялаған еді. Қарастырылып жатқан ұсыныстардың ішінде Тимирязев көшесіне біржақты қозғалыс енгізу және автобус жолақтарын жолдың ортасынан оң жақ шетіне көшіру мәселелері бар.

Бұған дейін әкімдік Tengri Auto редакциясының сауалына берген жауабында бұл жоба әзірге талдау, зерттеу және цифрлық модельдеу сатысында екенін хабарлаған. Қала билігінің мәліметінше, өзгерістер қажеттілігі Тимирязев көшесіндегі кептелістің көптігіне және аялдамалардан шыққан кезде жолдың бірнеше жолағын кесіп өтуге мәжбүр болатын жаяу жүргіншілердің қауіпсіздігіне байланысты туындап отыр.

Google News арқылы жаңалықтарымызды қадағалаңыз