Алматыда БАКАД бойымен жүру құны қымбаттайды

2026 жылғы 1 қаңтардан бастап Үлкен Алматы айналма автожолы (ҮАААЖ ) бойымен жүру тарифі екі есе өседі. Көлік министрлігі осыған қатысты бұйрыққа өзгерістер дайындап жатыр, деп хабарлайды Arasha.kz сайты Tengrinews.kz-ке сілтеме жасап.

Жеңіл автокөліктер үшін төлем 0,07-ден 0,14 АЕК-ке дейін өседі – бұл жолда жүрген әр сағат үшін шамамен 605 теңге.

Басқа санаттағы көліктер үшін де құн пропорционалды түрде қымбаттайды: мысалы, 16 орынға дейінгі автобустар үшін жолақы 0,16 АЕК болады – 692 теңге.

Ал массасы 15 тоннадан асатын жүк көліктері үшін төлем 0,44 АЕК болады – шамамен 1 903 теңге.

Жаңа тарифтермен қатар 50 пайыздық жеңілдік те қолданылады. Бірақ тек кейбір жағдайларда:

- алдын ала төлем кезінде – шотты толтыру немесе ақылы учаскеге кірмей тұрып көлік нөмірі бойынша төлеу;
- посттөлем кезінде – жол жүргеннен кейін 7 күнтізбелік күн ішінде төлеу.
Ал бір апта ішінде төлем жасалмаса, берешек қалыптасады және төлем жеңілдіксіз, толық мөлшерде алынады.

Сонымен қатар Талғар, Қарасай және Іле аудандарының тұрғындары үшін айлық және жылдық абонементтердің бағасы өзгеріссіз қалады.

Еске салайық, ҮАААЖ екі жыл бұрын іске қосылған, сол жылы ҮАААЖ маңындағы аудандардың тұрғындарына арнайы жеңілдіктер қарастырылатыны хабарланған еді, атап айтқанда Талғар, Іле және Қарасай аудандарының тұрғындарына.