Алматыда заманауи онкологиялық орталық салу жоспарланып отыр

АСТАНА, 31 шілде – Sputnik. Алматыда жаңа, көпбейінді онкологиялық орталық салу жоспарланып отыр, деп хабарлады қала әкімдігі.

"Жоба мемлекеттік сараптамадан оң қорытынды алды. Бұл бізге оны іске асырудың келесі кезеңіне өтуге мүмкіндік береді", - делінген хабарламада.

Орталықта 250 төсектік, тәулік бойы жұмыс істейтін стационарлық мекеме, химиотерапияға арналған 80 төсектік күндізгі стационар және консультативтік-диагностикалық амбулаториялық клиника болады.

Орталықта жоғары дәлдіктегі зерттеулер жүргізілетін заманауи клиникалық-диагностикалық, молекулалық-генетикалық және патоморфологиялық зертханалар болады.

Жоба сонымен қатар цифрлық медициналық мұрағат, жағдаят орталығы және қатерлі ісікке қарсы дәрі-дәрмектерді дайындауға арналған автоматтандырылған жүйесі бар госпитальдік фармация бөлімін құруды қамтиды.