Алматыда жүрек трансплантациясын жасатқан науқас отбасына оралды

Егер оқырманның есінде болса, осы қараша айында Алматы қалалық кардиологиялық орталығы өз тарихында алғаш рет 34 жастағы пациентке жүрек трансплантациясы операциясын жасаған еді. Қазір ауруханадан шыққан пациенттің жағдайы бірқалыпты. Бұл туралы бүгін Алматы қаласы Қоғамдық денсаулық сақтау басқармасының өкілдері хабарлап отыр, деп жазады Egemen.kz.

Білікті мамандарға тап болған науқас – созылмалы жүрек жеткіліксіздігінің соңғы сатысына шалдыққан 34 жастағы азамат болатын. Ол бұған дейін жүрек ауыстыру отасын күтіп, республикалық кезекте тұрған.

Бес сағаттан астам уақытқа созылса да сәтті аяқталған жүрек ауыстыру отасын Алматы қалалық кардиологиялық орталығының білікті мамандарынан құралған мультидисциплинарлық команда Астанадағы University Medical Center дәрігерлерімен бірлесіп жасаған еді. Оған Қалалық кардиологиялық орталықтың директоры Ермағамбет Қуатбаев пен UMC корпоративтік қоры басқарма төрағасы, профессор Юрий Пя жетекшілік етті. Қажетті қолдау көрсету үшін UMC мамандары Алматыға жедел түрде келді.

Қазіргі таңда қалалық кардиологиялық орталығында жоғары технологиялық оталар жасау үшін барлық қажетті жағдай жасалған. Мұнда білікті кардиологтар, кардиохирургтер, анестезиолог-реаниматологтар, перфузиологтар мен операциялық мейірбикелер қызмет атқарады. Заманауи диагностикалық және емдеу әдістері енгізіліп, халықаралық стандарттарға сай жабдықтар қолданылады.

Қазір сауығып үлгерген науқас дәрігерлер мен медицина қызметкерлеріне шынайы ризашылық білдірді.

«Ауруымның бәрі энергетик сусындардан басталды. Басында күніне бір бөтелкемен шектелсем, кейін күн сайын 8-10 энергетикалық сусынға дейін жеттім. Мұның соңы ауыр диагнозға әкелетінін аңғармаппын. Бүгін мен дәрігерлердің жанкешті еңбегінің арқасында тірімін. Енді денсаулықтың адам өміріндегі ең үлкен байлық екенін анық түсіндім», деді науқас.

Ауруханадан шыққаннан кейін науқас өзі тіркелген емханада дәрігерлердің тұрақты бақылауында болады. Жүрек трансплантациясымен бірге, стационарлық ем, қажетті дәрі-дәрмекпен қамтамасыз ету, оңалту мен одан кейінгі медициналық бақылау мемлекеттік кепілдік берілген тегін медициналық көмек аясында мемлекет есебінен көрсетіледі.

Еске сала кетейік, артериялық гипертензияның ауыр түрімен ауырған, инсульт алған 50 жастағы әйел донор болды. Алматы қалалық орталық клиникалық ауруханасына шұғыл түрде жеткізілгеннен кейін дәрігерлер консилиумы оның ми өлімін анықтап, мәйіттік донорға рұқсат берді. Марқұмның туыстары келісімін берген соң донорлық үдеріс ұйымдастырылған болатын.

Соңғы жаңалықтар

Көкшетауда жаңа көпбейінді аурухана салынып жатыр

Аймақтар • Бүгін, 13:46

Брижит Бардо 91 жасына қараған шағында өмірден озды

Оқиға • Бүгін, 13:30

Трамп пен Зеленский Флоридадағы кездесуде қандай келісімдерге қол жеткізді?

Әлем • Бүгін, 13:15

Жаңа жыл мерекесі қарсаңында Астана мен Алматыда қандай іс-шаралар өтеді?

Елорда • Бүгін, 13:00

Ел экономикасына тартылған инвестиция 6 млрд долларға жетті

Экономика • Бүгін, 12:52

Футзалдан Қазақстан кубогінің иегері анықталды

Футбол • Бүгін, 12:50

Ақтауда түнде автокөлік өртенді

Төтенше жағдай • Бүгін, 12:43

Атырау облысында жыл ішінде санавиациямен 243 науқасқа көмек көрсетілген

Аймақтар • Бүгін, 12:35

Биыл рақымшылық жасау заңы аясында 338 адам жазадан босатылды

Заң мен Тәртіп • Бүгін, 12:32

Алматы облысында жаңа клиника жұмысын бастады

Медицина • Бүгін, 12:25

Қазақстан халқы Ассамблеясын дамытудың 2030 жылға дейінгі тұжырымдамасы бекітілді

Президент • Бүгін, 12:16

Ауруханадағы 1040 қызметкердің жалақысы төленбеген

Қоғам • Бүгін, 12:11

БҚО-да биыл 6 мектеп күрделі жөндеуден өтті

Аймақтар • Бүгін, 12:00

«Қайрат» Анарбековты сата ма? Клубтың соңғы шешімі белгілі болды

Спорт • Бүгін, 11:53

Криштиану Роналду 1000 гол межесіне жете ала ма?

Футбол • Бүгін, 11:42

Барлық жаңалықтар