Алматылық тұрғын тістейтін көпірге назар аударды. Әкімдік күтпеген шешім тапты

Алматыда қала тұрғыны Достық шағын ауданындағы жаяу жүргіншілер көпіріне назар аударды. Оның айтуынша, конструкцияның тұтқасына ток келуі мүмкін, тиіп кеткен жағдайда тоқ соғады. Ер адам видеоны әлеуметтік желілерде жариялады. Жағдайға қатысты Алматы экология және қоршаған орта басқармасы жауап берді, деп хабарлайды Tengri Life.

Тоқ соғып тұр ма? Кадрлар

Кадрларды Алматы тұрғындарының бірі бөлісті. Видеода ер адам жаяу жүргіншілер көпірінің тұтқасын кілтпен түртіп көреді. Осы сәтте ұшқын шыққанын көруге болады.

"Алматы әкімдігі, көпірді жерге тұйықтаңыздар. Тоқ соғып жатыр", - деп бөлісті ол.

Скриншот: Threads

Біз аталған жағдай бойынша ақпарат алу үшін Алматы қалалық экология және қоршаған орта басқармасына хабарластық.

Ведомство Достық шағын ауданында шынымен де жаяу жүргіншілер көпірі бар екенін растады.

Басқарма ақпаратынша, конструкцияны бөлшектеу көзделіп отыр. Яғни, алдағы уақытта ескі көпірді бұзып, оның орнына жаңасын орнату жоспарланған.

"Жүргізіліп жатқан жұмыстар аясында қолданыстағы конструкцияны бөлшектеу, кейіннен жобалық шешімдер мен белгіленген талаптарға сәйкес келетін жаңа жаяу жүргіншілер көпірін орнату қарастырылған", - деп хабарлады басқарма.

Басқарма мәліметінше, қолданыстағы көпірді бөлшектеу және жаңасын орнату жұмыстарын 2026 жылдың қазан айының соңына дейін аяқтау жоспарланған.

Айтпақшы, қазан айының соңында Алматыда Сәтбаев көшесінде көгалмен аяқталатын веложолақ байқалған болатын. Учаске фотосы әлеуметтік желілерде пайда болып, қолданушылар арасында сұрақтар туғызды.

Бізді Google-дың негізгі дереккөздер тізіміне қосыңыз