Алматылықтарға 14 мамырда сиренадан кейін теледидар мен радионы қосу қажет

Алматыда бейсенбі, 14 мамырда құлақтандыру жүйесі тексеріледі, деп хабарлайды Tengrinews.kz.

Алматыда бейсенбі, 14 мамырда құлақтандыру жүйесі тексеріледі, деп хабарлайды Tengrinews.kz.

Қалалық ТЖД мәліметінше, 14 мамыр күні сағат 11:00-де Алматыда сиреналар іске қосылады: жоспарлы жалпықалалық сейсмикалық жаттығу өткізіледі.

"Сейсмикалық жаттығу күні сағат 11:00-де сиреналық-сөйлеу қондырғыларын қосу, телерадиоарналарды қамту, мобильді қосымшалар арқылы хабарламалар жіберу жолымен қалалық құлақтандыру жүйесі іске қосылады", - деп хабарлады ТЖД.

Дыбыстық сигналдан кейін Алматы тұрғындарына теледидарды, радионы қосу немесе ресми интернет-ресурстар мен мобильді қосымшаларды тексеру қажет. Онда іс-қимылдар бойынша нұсқаулықтар жарияланады.

Алматылықтарға алдын ала "дабыл жиынтығын" дайындап, жақын маңдағы қауіпсіз орынға баратын бағытты анықтауға кеңес беріледі. Ғимараттар мен коммуникациялар жоқ ашық аумақ ең қауіпсіз аймақ болып саналады.

Өткізілетін қалалық сейсмикалық жаттығу - жоспарлы шара, сондықтан ТЖД азаматтардан сабыр сақтап, жаттығуға белсенді қатысуды сұрады.

ҚАЗІР ТАЛҚЫЛАНЫП ЖАТЫР

Қазақстанның Халық жазушысы Мұхтар Шаханов өмірден өтті

19 сәуір 22:47 1

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Google News арқылы жаңалықтарымызды қадағалаңыз