Аман қалудың амалы: Ауғанстандағы әкелер балаларын сатуға мәжбүр болып отыр

Біріккен Ұлттар Ұйымының мәліметіне сәйкес, Ауғанстан халқының төрттен үш бөлігі негізгі қажеттіліктерді қанағаттандырмайды. Жұмыссыздық кең етек жайды, денсаулық сақтау жүйесі құлдырады. Сондай-ақ бір кездері миллиондаған адамдарды ең қажетті заттармен қамтамасыз еткен көмек әлдеқайда қысқарып, мардымсыз бөлігі ғана қалды, деп хабарлайды Egemen.kz.

Фото: Ашық дереккөз

ВВС агенттігінің мәліметінше, бүгінде ауған халқына берілетін гуманитарлық көмек былтырғы жылдармен салыстырғанда, айтарлықтай төмендеген.

Таңсәріде Гор провинциясының астанасы Чагчаран қаласындағы шаң басқан алаңға жүздеген ер адам жиналады. Олар біреу жұмыс ұсынар деген үмітпен жол бойына тізіліп тұрады. Бір күндік табыс тек бір күндік тамаққа жетеді.

45 жастағы Жұма Хан соңғы алты апта ішінде небәрі үш күн жұмыс істеген. Ол еңбегі үшін күніне 150-200 афғани (2,35-3,13 доллар; 1,76-2,34 фунт стерлинг) алған.

«Үш түн қатарынан балаларым аш күйінде ұйықтады. Әйелім де, балаларым да жылады. Сондықтан көршімнен ұн алуға ақша сұрадым. Балаларым аштықтан өліп қала ма деп қорқамын», дейді ол.

Қазіргі уақытта ел бұрын-соңды болмаған аштық деңгейімен бетпе-бет келіп отыр. Есеп бойынша, Ауғанстан халқының оннан бір бөлігінен астамы – шамамен 4,7 миллион адам – аштықтың аз-ақ алдында тұр.

Президент: Ауғанстанға көмек көрсетуді жалғастыру қажет

Гор провинциясы – ең қатты зардап шеккен өңірлердің бірі. Мұндағы ер адамдар шарасыз күйде.

«Маған хабарласып, балаларымның екі күн бойы тамақ ішпегенін айтты. Өз-өзіме қол жұмсағым келді. Бірақ кейін бұл отбасымa қалай көмектеседі деп ойладым. Сондықтан жұмыс іздеп жүрмін», дейді провинция тұрғыны Рабани.

Айналадағы қаңырап бос қалған үйлер орналасқан елді мекендерде – қар басқан Сиах-Ко жотасы тауларының етегіндегі қуаң, қоңыр төбелер арасында – жұмыссыздықтың жойқын салдары анық байқалады.

Абдул Рашид Азими бізді үйіне шақырып, жеті жастағы егіз қызы Рокия мен Рохиланы ертіп шығады. Ол оларды құшақтап тұрып, неге осындай жан төзгісіз шешім қабылдауға мәжбүр екенін түсіндіруге тырысады.

«Мен қыздарымды сатуға дайынмын. Мен кедеймін, қарызға баттым және дәрменсізбін. Мен жұмыстан ернім кеуіп, аш, шөлдеп, күйзеліп әрі абдырап үйге келемін. Балаларым келіп: “Әке, бізге нан берші. Бірақ мен оларға не бере аламын? Жұмыс қайда?», деп жылайды ол.

Дәрменсіз әке Рохиланы құшақтап, бетінен сүйіп, жылайды.

«Жүрегім қан жылайды, бірақ басқа балаларымды асыраудың жалғыз жолы — осы. Бізде тек нан мен ыстық су ғана бар, тіпті шай да жоқ», дейді олардың анасы Қайхан.

Оның екі жасөспірім ұлы қала орталығында аяқкиім тазартады. Тағы бір ұлы қоқыс жинайды, Қайхан оны тамақ пісіруге отын ретінде пайдаланады.

Ел дәрігерлері Ауғанстандағы гуманитарлық миссияға қатысып жатыр

Саид Ахмад бес жасар қызы Шайканы сатуға мәжбүр болғанын айтады. Қызынан аппендицит пен бауыр кистасы анықталғаннан кейін ол осындай қадамға барған.

«Медициналық шығындарды төлеуге ақшам болмады. Сондықтан қызымды туысқаныма саттым. Шайканың операциясы сәтті өтті. Оған қажетті қаражат – 200 000 афғани (3200 АҚШ доллары / 2400 фунт стерлинг) – оны сатқаннан түскен ақша болған. Егер мен барлық ақшаны бірден алсам, ол қызымды алып кетер еді. Сондықтан мен оған: қазір тек емделуіне жететін ақшаны бер, ал қалғанын бес жылдан кейін бересің, содан кейін оны алып кетесің», дейді ол.

Шайка кішкентай қолдарымен әкесінің мойнынан құшақтап тұр. Олардың арасындағы жақындық анық сезіледі, бірақ 5 жылдан кейін ол туыстарының үйіне кетуге мәжбүр болады.

«Егер менің ақшам болғанда, мұндай шешімге ешқашан бармас едім. Бірақ кейін ойладым, егер операция жасалмаса, ол қайтыс болып кетсе ше? Ең болмаса, ол тірі қалады», дейді Саид.

Осыдан екі жыл бұрын Саидқа белгілі бір деңгейде көмек көрсетіліп тұрған. Сол кезде оның отбасымен қоса, миллиондаған ауғандықтар азық-түлік (ұн, өсімдік майы, жасымық және балаларға арналған тағамдық қоспалар) көмегін алған.

Алайда соңғы бірнеше жылда көмектің күрт қысқаруы адамдардың басым бөлігін осы өмірлік маңызды қолдаудан айырды. АҚШ бұрын Ауғанстан үшін ең ірі донор болған ел – өткен жылы көмекті іс жүзінде толық тоқтатты. Басқа да негізгі донорлар, соның ішінде Ұлыбритания, өз жарналарын айтарлықтай қысқартты. Қазіргі Біріккен Ұлттар Ұйымы деректеріне сәйкес, биыл алынған көмек көлемі 2025 жылмен салыстырғанда 70%-ға азайған.

Ауғанстанда бірқатар әлеуметтік желілерге кіруге шектеу қойылды

Провинцияның жартысынан көбін қамтыған қатты құрғақшылық жағдайды одан әрі ушықтырып отыр.

«Бізге ешкім көмектескен жоқ – Үкімет те, үкіметтік емес ұйымдар да», дейді ауыл тұрғыны Абдул Малик.

2021 жылы билікті басып алған Талибан үкіметі де кінәні шетелдік әскерлер елден шыққаннан кейін отставкаға кетуге мәжбүр болған бұрынғы Ауғанстан әкімшілігіне артады.

«20 жылдық басқыншылық кезінде доллардың ағылуы арқасында жасанды экономика құрылды. Басқыншылық аяқталғаннан кейін біз кедейлік, жоқшылық, жұмыссыздық және басқа да мәселелерді мұраға алдық», деді тәліптер үкіметі баспасөз хатшысының орынбасары Хамдулла Фитрат.

Алайда тәліптердің өз саясаты, әсіресе әйелдерге қатысты шектеулері де донорлардың ынтымақтастықтан бас тартуының негізгі себептерінің бірі болып отыр.

Донорлардың кету себептері туралы сұраққа тәліптер үкіметі қандай да бір жауапкершілікті мойындамай, оның орнына «гуманитарлық көмекті саясаттандыруға болмайды» деп мәлімдеді.

Фитрат сондай-ақ тәліптердің «ірі экономикалық жобаларды жүзеге асыру арқылы кедейлікті азайту және жұмыс орындарын құру жоспарларын» атап өтті, соның ішінде инфрақұрылымдық және кен өндіру жобаларын мысалға келтірді.

Бірақ ұзақ мерзімді жобалар бір күні көмектесуі мүмкін болғанымен, жедел көмек болмаса, миллиондаған адамның аман қалмайтыны анық.

Мәселен, қала тұрғыны Мохаммед Хашемнің 14 айлық қызы бірнеше апта бұрын қайтыс болған.

«Менің балам аштық пен дәрі-дәрмектің жетіспеуінен қайтыс болды. Бала ауру әрі аш болса, оның өлетіні анық», дейді ол.

Жергілікті ақсақалдың айтуынша, негізінен дұрыс тамақтанбау салдарынан болатын балалар өлімі соңғы екі жылда айтарлықтай өскен. Алайда мұнда өлім туралы ресми жазбалар жоқ. Балалар өлімінің күрт өсуін көрсететін жалғыз орын – зират. Сондықтан бұрынғыдай біз кіші және үлкен қабірлерді бөлек санадық. Кішкентай қабірлер үлкендерден шамамен екі есе көп болды, бұл балалар өлімінің ересектерге қарағанда екі есе көп екенін көрсетеді.

Қазақстаннан Ауғанстанға гуманитарлық көмек жөнелтілді

Медбике Фатима Хуссейни нәресте өлімі үйреншікті жағдайға айналғанын айтады. Қосымша дәлелдер Чагчаран қаласындағы басты провинциялық ауруханадан табылды.

Жаңа туған нәрестелер бөлімі – ең қарбалас бөлім. Барлық төсек бос емес, кейбірінде екі нәрестеден жатыр. Олардың көпшілігінің салмағы жасына сай емес, көбі өздігінен тыныс ала алмайды.

Ауғанстанда әйелдер жазған кітаптарды оқытуға тыйым салынды

Неонатология бөлімінің меңгерушісі доктор Мұхаммад Моса Олдат өлім деңгейі 10%-ға жеткенін айтып, мұны «қабылдауға болмайтын жағдай» деп бағалайды.

«Бірақ кедейліктің салдарынан науқастар саны күн сайын артып келеді. Оның үстіне нәрестелерді дұрыс емдеуге қажетті ресурстарымыз да жоқ, дейді ол.

Медицина қызметкерлерінің айтуынша, ең шошытатын жайт – мемлекеттік ауруханада көптеген науқастарға арналған дәрі-дәрмектің жоқтығы, сондықтан отбасылар қажетті дәрілерді өздері сатып алуға мәжбүр.

«Кейде ауқатты отбасының баласынан артық қалған дәрілер болса, біз оларды сатып алуға шамасы келмейтін отбасылардың балаларына пайдаланамыз», дейді Фатима.

Ақша тапшылығы көптеген отбасыны ауыр шешім қабылдауға итермелейді.

Айта кетейік, былтыр жыл соңында Ашхабадта өткен форум барысында Қасым-Жомарт Тоқаев Алматыдағы Орталық Азия мен Ауғанстанға арналған орнықты даму мақсаттары жөніндегі БҰҰ өңірлік орталығы осы бағыттағы ынтымақтастықты үйлестіретін маңызды платформаға айналғанын айтты.

Соңғы жаңалықтар

«Біз берілмейміз»: Иран президенті қатаң мәлімдеме жасады

Әлем • Бүгін, 09:53

Қарағандыда қайғылы оқиға: Жасөспірім 8 жастағы қызды мотоциклмен қағып өлтірді

Оқиға • Бүгін, 09:50

Отандық дәрі-дәрмек үлесі шамамен 40 пайызға жетті

Медицина • Бүгін, 09:44

Бітімгерлердің үшінші құрамы Голан жотасына аттанды

Қоғам • Бүгін, 09:34

Куба президенті АҚШ-ты «геноцидтік блокада» жүргізіп отыр деп айыптады

Әлем • Бүгін, 09:33

Алты тұстан пышақ сұққан: Талдықорғанда мектеп оқушысы студентті өлтірді деген күдікке ілінді

Оқиға • Бүгін, 09:18

Бүгін 1 долларды қанша теңгеге сатып алуға болады?

Қаржы • Бүгін, 08:54

Анчелотти Неймарды әлем чемпионатына баратын құрамға қосты

Футбол • Бүгін, 08:24

Жаңбыр жауып, жел күшейеді: 19 мамырға арналған ауа райы болжамы

Ауа райы • Бүгін, 08:13

Адамға ұқсас роботтарды дамыту: Оңтүстік Корея ауқымды жобаны іске қосты

Әлем • Бүгін, 08:00

Иран өлім жазасына кесу бойынша әлемде бірінші орында

Әлем • Бүгін, 00:35

Жамбыл облысында жоғалып кеткен азамат дронның көмегімен табылды

Қоғам • Бүгін, 00:15

Сәкен Бибосынов титулдық жекпе-жектен қағылды

Спорт • Бүгін, 00:08

Ұлттық экономика министрлігі: Тоғыз жыл ішінде қазақстандықтардың жалақысы 41 пайызға өсті

Экономика • Кеше

Өзбекстаннан жеткізілген 5 мыңнан астам гүл кері қайтарылды

Қоғам • Кеше

Барлық жаңалықтар