AMANAT : Қызылордада қолөнер шеберлерінің көрмесі өтті

Көрмені ата-бабамыздан қалған өнерді ұлықтап, жас ұрпақтың санасына сіңіру мақсатында партияның Шиелі ауландық филиалы ұйымдастырды.  

Жергілікті қолөнершілер көрмесіне 17 шебер қатысты. Онда қазақ халқының тарихын, эстетикасын және дүниетанымын танытатын тоқыма, кесте, зергерлік бұйымдар, киіз басу, ағаш және былғары өңдеу секілді сан түрлі 100 - ден аса өнер туындыларын қойылды. 

«Негізінен «AMANAT» партиясы «Ұлттық мұра» жобасы аясында мәдени мұраны насихаттауға бағытталған бастамаларға жүйелі түрде қолдау көрсетіп келеді. Бүгінгі қолөнер көрмесі соның бір бөлігі деп айтсақ болады. Қолөнер – халқымыздың рухани байлығы, ұлттық болмысы мен мәдениетіміздің баға жетпес байлығы. Оны сақтау – бәріміздің ортақ борышымыз. Бүгін біз «Ұлттық мұра – ұрпаққа аманат» атты көрме арқылы еңбек адамдары, яғни қолөнер шеберлерінің еңбегін насихаттай отырып, кейінгі ұрпақтың ұлттық мұраға деген қызығушылығын арттырып, оған құрмет қалыптастыруды мақсат еттік», – деді аудандық партия филиалының атқарушы хатшысы Жібек Баймұратова.

Көрме соңында, төл мәдениетімізді дамытуға өлшеусіз үлес қосып жүрген бірқатар қолөнер шеберлеріне партия атынан алғысхаттар табысталып, құрмет көрсетілді.

Ербақыт ЖАЛҒАСБАЕВ, Қызылорда облысы