Америка: Иранмен ешкім табысты мәміле жасай алған жоқ, бірақ біз байқап көреміз

Reuters хабарламасына сілтеме жасаған Aikyn.kz Иранмен шиеленісте сауда мен талдайды.

Ирандық дипломат АҚШ-пен жасалатын ядролық келісім екі жаққа да экономикалық пайда әкелуі керек екенін мәлімдеген. Бұндай мәлімдеме жексенбі күні (15 ақпан) Тегеран мен Вашингтон арасындағы келіссөздердің екінші раундына санаулы күн қалғанда айтылды.

Осы айдың басында Иран мен АҚШ Тегеранның ядролық бағдарламасына қатысты көпжылдық дауды реттеу және жаңа әскери қақтығыстың алдын алу үшін келіссөздерді қайта бастады. Reuters агенттігіне америкалық ресми тұлғалардың айтуынша, АҚШ өңірге екінші әуе тасымалдаушы кемені жіберген. Осылайша келіссөздер нәтижесіз аяқталса, ұзаққа созылатын әскери науқанға дайындалып жатыр.

АҚШ мемлекеттік хатшысы Марко Рубио Братиславадағы баспасөз мәслихатында президент Дональд Трамп дипломатияны және келіссөз арқылы шешімді қалайтынын жариялады. Бірақ бұның жүзеге аспай қалуы да мүмкін екенін аңғартқан.

«Иранмен ешкім әлі табысты мәміле жасай алған жоқ, бірақ біз көріп көреміз», – деген Рубио.

АҚШ әскері шабуыл жасайтын болса, Иран Таяу Шығыстағы америкалық базаларға соққы береміз деп қорқытқан еді. Алайда жексенбі күні бітімгерлікке жақын жұмсақ ұстанымын көрсетті.

Иран Сыртқы істер министрлігінің экономикалық дипломатия департаменті директорының орынбасары Хамид Ганбари: «Келісімнің берік болуы үшін АҚШ-тың экономикалық қайтарымы жоғары әрі тез болатын салаларда да пайда көруі аса маңызды», – дейді.

Ганбаридің айтуынша, келіссөздерге мұнай-газ кен орындарын бірлесіп игеру, тау-кен өндірісіне инвестиция салу мен ұшақ сатып алу мәселелері де енгізілген. Ол 2015 жылғы ядролық келісім АҚШ-тың экономикалық мүддесін ескермегенін де мәлімдеді.