Америкалық сарапшы: Қазақстандағы Конституциялық комиссия реформаның инклюзивтілігін қамтамасыз етті

Қазақстандағы конституциялық реформа өзгерістерді дайындаудың инклюзивті тәсілдері мен ашық қоғамдық талқылаудың маңызын айқын көрсетті. Мұндай пікірді АҚШ сарапшысы Уэсли Александр Хилл халықаралық сарапшылардың дөңгелек үстелінде айтып, 15 наурызда өткен референдум азаматтарға мемлекеттік басқарудың болашақ моделіне қатысты өз ұстанымын білдіруге мүмкіндік бергенін атап өтті, деп хабарлайды Egemen.kz. 

Қазақстандағы конституциялық реформа өзгерістерді дайындаудың инклюзивті тетіктерінің және реформаларды ашық қоғамдық талқылауды қамтамасыз ететін құқықтық-нормативтік базаның маңыздылығын көрсетеді.
Өзінің мұндай пікірін Салық және инвестициялар жөніндегі халықаралық орталықтың Энергетика, өсім және қауіпсіздік бағдарламасы директорының орынбасары Уэсли Александр Хилл (АҚШ) Қазақстан Республикасының Президенті жанындағы Қазақстан стратегиялық зерттеулер институты (ҚСЗИ) мен Maqsut Narikbayev University (MNU) бірлесіп ұйымдастырған «Қазақстанның жаңа конституциялық моделі: орнықты әрі заманауи мемлекет жолында» атты халықаралық сарапшылардың дөңгелек үстелінде білдірді.
Сарапшының айтуынша, конституциялық реформалар әрқашан халықаралық сарапшылар қауымдастығының назарын аударады, өйткені олар мемлекеттік басқару құрылымы, өкілеттіктерді бөлу және мемлекет пен қоғам арасындағы өзара іс-қимылдың іргелі мәселелерін қамтиды.
Хилл халықаралық тәжірибеде конституциялық өзгерістер үдерісі бірнеше негізгі критерий бойынша бағаланатынын атап өтті. Олардың қатарында реформаны дайындау үдерісінің инклюзивтілігі, референдум өткізуге арналған құқықтық база, медиа орта және реформалардың жалпы институционалдық контексті бар.
Оның айтуынша, инклюзивтілік реформаны дайындауға тек мемлекеттік институттардың ғана емес, сонымен қатар сарапшылардың, азаматтық қоғам өкілдерінің және азаматтардың қатысуын білдіреді.
Сарапшының айтуынша, Қазақстанда бұл тәсіл Конституциялық комиссия құру арқылы жүзеге асырылды. Оның құрамына парламент өкілдері, мемлекеттік органдар, академиялық қауымдастық және азаматтық қоғам кірді.

Андрей Казанцев: Жаңа Конституция – 2019 жылдан бері жүргізіліп келе жатқан саяси өзгерістердің нәтижесі
Сонымен қатар, азаматтардың қатысуын қамтамасыз етуде цифрлық платформаларды пайдалану маңызды рөл атқарды. eGov және e-Otinish жүйелері арқылы азаматтар Конституция жобасы бойынша ұсыныстар мен пікірлер жолдай алды. Нәтижесінде комиссияға 12 мыңнан астам ұсыныс түсті, бұл реформаны талқылауға қоғамның кеңінен қатысуына мүмкіндік берді.
Сарапшы сондай-ақ Қазақстандағы конституциялық реформаны талқылау дамыған медиа орта мен цифрлық коммуникацияларды белсенді пайдалану жағдайында өткеніне назар аударды. 2025 жылға қарай елде 5 мыңнан астам бұқаралық ақпарат құралы тіркеліп, интернетке қолжетімділік деңгейі халықтың 93 пайызынан асты, бұл қоғамдық талқылауға кең мүмкіндік жасады.

Жаңа Конституция: халық таңдауы айқындалды

Қорытындылай келе, Хилл конституциялық референдумдардың мемлекеттің институционалдық негіздерін қалыптастырудағы қоғамдық қатысудың маңызды тетігі екенін атап өтті.
Оның пікірінше, 2026 жылдың 15 наурызы күні Қазақстанда өткен жаңа Конституция бойынша референдум көпжылдық институционалдық реформалардың шарықтау шегіне айналып, азаматтарға мемлекеттік басқарудың болашақ архитектурасы бойынша өз ұстанымдарын тікелей білдіруге мүмкіндік беру арқылы реформалардың демократиялық легитимдігін күшейтті. 

Соңғы жаңалықтар

Америкалық сарапшы: Қазақстандағы Конституциялық комиссия реформаның инклюзивтілігін қамтамасыз етті

Ата заң • Бүгін, 18:26

Өткен жылы Қазақстанда 115,9 мың неке тіркелген: Астана көш бастап тұр

Қоғам • Бүгін, 18:07

Жаңа Конституция: халық таңдауы айқындалды

Ата заң • Бүгін, 17:58

Испаниялық журналист Дастан Сәтпаевтың «Ақтөбеге» соққан голына тәнті болды

Футбол • Бүгін, 17:57

Сарапшылар Конституциялық реформа мен Қазақстанның келешегін талқылады

Ата заң • Бүгін, 17:49

Құрылыс нарығы: Қай компания салықты көп төлейді?

Құрылыс • Бүгін, 17:42

Доллар бір тәулікте 6,59 теңгеге арзандады

Қоғам • Бүгін, 17:39

Атырау облысы әкімінің бұрынғы орынбасары Бақытгүл Хаменованың жазасы жеңілдетілді

Аймақтар • Бүгін, 17:32

Жаңа рекорд: Алматыда бір мезетте 11 500 оқушы күй тартты

Рекорд • Бүгін, 17:07

Грузия дипломаты: Қазақстанда өткен референдум халықаралық тәжірибеге толық сәйкес келеді

Референдум • Бүгін, 17:00

Сарапшы: Әлеуметтік зерттеулер жаңа Конституцияға қоғамдық қолдаудың тұрақты жоғары деңгейін көрсетті

Қоғам • Бүгін, 16:57

Пәкістан Премьер-министрі Тоқаевты республикалық референдумның табысты өтуімен құттықтады

Президент • Бүгін, 16:48

Қазақстанға заңсыз карантиндік өнімдер әкелген 145 дерек анықталды

Оқиға • Бүгін, 16:44

Израиль Иранның Ұлттық қауіпсіздік кеңесінің хатшысы қаза тапқанын мәлімдеді

Әлем • Бүгін, 16:43

Дихан Қамзабекұлы ІІ дәрежелі «Барыс» орденімен марапатталды

Марапат • Бүгін, 16:33

Барлық жаңалықтар