ӘМСҚ БАҚ пен әлеуметтік желілер мониторингіне 6,8 млн теңге жұмсады

Жыл басында Әлеуметтік медициналық сақтандыру қоры (ӘМСҚ) БАҚ пен әлеуметтік желілердегі жарияланымдарға күнделікті мониторинг жүргізуге тендер жариялады. TengriHealth тілшісі қордың негатив материалдарды қадағалауға қанша қаражат жұмсағанын және оның не үшін қажет екенін анықтады.

Жыл басында Әлеуметтік медициналық сақтандыру қоры (ӘМСҚ) БАҚ пен әлеуметтік желілердегі жарияланымдарға күнделікті мониторинг жүргізуге тендер жариялады. TengriHealth тілшісі қордың негатив материалдарды қадағалауға қанша қаражат жұмсағанын және оның не үшін қажет екенін анықтады.

Интернеттегі резонанс тудырған материалдарды 24/7 режимінде анықтау

2026 жылғы 21 қаңтарда Медициналық сақтандыру қоры онлайн жүйе арқылы медиамониторинг қызметін көрсетуге 6 840 000 теңгеге тендер жариялады. Futurum Agency компаниясы жеңімпаз атанды. Ол осы сомаға Қордың қызметіне қатысты БАҚ пен әлеуметтік желілердегі жарияланымдарды 24/7 онлайн-режимінде бақылап отыруды міндетіне алды.

goszakup.gov.kz сайтынан алынған скриншот

Конкурс жеңімпазы мен ӘМСҚ 2026 жылдың аяғына дейін 12 айға шарт жасасты.

Техникалық ерекшелікке сәйкес, өнім беруші автоматтандырылған онлайн жүйенің көмегімен электрон және баспа басылымдарының сайттарына, телеарналарға, ақпараттық агенттіктерге, радио мен әлеуметтік медиаға күнделікті мониторинг жүргізу қызметін көрсетуі тиіс.

ОБСУЖДАЕТСЯ СЕЙЧАС

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

Мемлекеттік сатып алу сайтында жарияланған техникалық ерекшелікте мониторинг жүргізілетін жүйе жарияланымдарды анықтап қана қоймай, олардың мазмұнына талдау жасайтыны айтылған. Оның функцияларына мыналар жатады:

жаңалықтарды өңірлер бойынша бөлу; БАҚ-та кілт сөздер бойынша іздеу және ақпаратты күйі (позитив, негатив, бейтарап) бойынша автоматты түрде жіктеу; БАҚ ақпараттарын 24/7 онлайн-режимінде жинау және өңдеу; күнделікті, апталық және айлық аналитикалық есептерді қалыптастыру; мониторинг бойынша күнделікті дайджесттерді автоматты түрде жіберу; БАҚ-тағы резонанс тудырған материалдарды 24/7 режимінде анықтау.

Техникалық сипаттамаға сәйкес, негатив жарияланым пайда болған жағдайда, жүйе жедел шаралар қабылдау үшін қорға мессенджер немесе электрон пошта арқылы push-хабарлама жіберіп, лезде құлақтандырады.

Құжатта өнім берушінің ай сайын жаңалықтарды санаттар бойынша (позитивті, бейтарап және негативті) және ақпарат көздерінің белсенділігін талдау бойынша бөлінген медиамониторингтік аналитикалық есеп жіберіп отыруы тиіс екені жазылған.

Қорға бұл есептер не үшін қажет?

Әлеуметтік медициналық сақтандыру қорына осы шығындардың тиімділігі қалай бағаланатынын білу үшін сауал жолдадық.

Ведомство БАҚ мониторингіне жұмсалған шығыстардың тиімділігін оның әкелетін нақты пайдасымен анықтауға болатынын түсіндірді:

ақпараттық себептер мен азаматтардың өтініштеріне жедел әрекет ету; түсіндіру жұмыстарының дәлдігі мен мақсаттылығын арттыру; типтік сұрақтардың алдын алу арқылы кері байланыс арналарына түсетін жүктемені азайту; ресми ақпараттың қамту аясы мен қолжетімділігін арттыру; әлеуметтік шиеленістің өршу қаупін төмендету.

"Іс жүзінде бұл халықаралық тәжірибеге сәйкес келетін қоғамдық тәуекелдерді ерте ескерту және басқару жүйесі туралы болып отыр", - делінген жауапта.

Тәжірибеде бұл былай көрінеді:

типтік өтініштерді (мысалы, МӘМС-тегі мәртебесі немесе қызметтерге қолжетімділік бойынша) анықтайды және түсіндіру жұмыстарын түзетеді; ықтимал заңбұзушылықтар туралы сигналдарды жедел тексереді және уәкілетті органдармен және медициналық ұйымдармен өзара іс-қимыл жасайды; коммуникацияны аса маңызды тақырыптар мен өңірлерге бағыттайды.

Қор қазіргі уақытта қоғам мен сарапшылар тарапынан МӘМС 2.0 моделіне қатысты сыни пікірлер айтылып жатқанын мойындайды.

"БАҚ-та Qalqan платформасын құруға кететін ықтимал шығындар туралы кейбір жарияланымдардан кейін қор тиісті толық түсіндірмелер берді", - деп мысал келтірді ӘМСҚ.

Негатив туралы деректер қалай пайдаланылады?

Қор жарияланымдарды онлайн-режимде қадағалап отырады. Жүйе кілт сөздер мен авторлар бойынша материалдарды автоматты түрде анықтайды.

"Бұл деректер белгілі бір жарияланымдардың таралу ауқымын және тәуекел деңгейін бақылауға әрі басқаруға мүмкіндік береді", - деп түсіндірді ӘМСҚ өкілдері.

Мәселен, егер БАҚ-та белгілі бір тақырыптар бойынша теріс материалдардың саны көбейсе, қор мониторингті күшейтеді, түсініктемелер дайындайды, қажет болған жағдайда аудиториямен жұмыс істеу үшін ресми спикерлерді тартады.

Сондай-ақ теріс ақпарат көздеріне қосымша талдау жасалып, негізгі триггерлер анықталатыны айтылды. Мысалы, материалдардың дұрыс берілмеуі немесе олардың бұрмалануы, сондай-ақ әсерге тез берілетін аудиториялар. ӘМСҚ пікірінше, бұл нүктелі әрекет етуге және репутациялық тәуекелдерді азайтуға мүмкіндік береді.

Google News арқылы жаңалықтарымызды қадағалаңыз

Жазылу

Денсаулық

БАҚ

бақылау