Жаңалықтарды әлеуметтік желілер арқылы тарату БАҚ тан ұқыптылықты талап етеді

Қазақстандықтардың 65%-дан астамы жаңалықтарды әлеуметтік желілер мен мессенджерлерден оқиды.

Бұл кәсіби қоғамдастықтан медиа сауаттылықты, жауапкершілікті және қоғамдық диалог мәдениетін арттыруды талап етеді. Бұл туралы ASTANA MEDIA WEEK форумында айтылды. Жиын Мәдениет және ақпарат министрі Аида Балаеваның алғысөзінен басталды.  Ведомство басшысы  Astana Media Week тәжірибе және ақпарат алмасу, сондай-ақ жаһандық медиа кеңістіктің жаңа архитектурасын қалыптастыру үшін маңызды кәсіби алаңға айналғанын атап өтті.

Жасанды интеллектіні тиімді пайдалану, оның журналистикадағы орны және ол технология тудыратын тәуекелдер. Пленарлық сессия осы тақырып асында пікірталас алаңына айналдыү. Мәдениет және ақпарат вице-министрі Қанат Ысқақов цифрлық технология дамуына қатысты медиа индустрияның бинез процесстерін қайта қарау керек деп есепатейді. Айтуынша, контентті қазір жаңа аудиторияға бейімдеу керек. Осы тұста ақпарат дайындауға кететін уақыт пен деректердің шынайылығына ден қою маңызды. 

Жасанды интеллект біраз мамандықтың жойылуына әкеледі деп жиі айтылады. Бірақ нақты медиа саласына келсек, Біріккен ұлттар ұйымының  өкілі жасанды интеллектінің жаппай қолданысқа енуі журналистерге қауіп төндірмейді деп сендірді. Ол тың техноллогияның қолданыс аясын ортақ талаптармен реттеу керек деген пікір білдірді.

Властимил Самек, БҰҰ Жаһандық коммуникациялар департаментінің Қазақстандағы өкілі:

- Жаңа технологиялар шыққанда, журналистерді алмастырады ма деген сұраққа жауп берсе Логикалық тұрғыдан жасанды интеллект ақпаратсыз жұмыс істей алмайды. Ал ақпаратты жазатын адамдар, БАҚ өкілдері. Демек жасанды интеллект  журналист жазған мәтінді өңдейді. Сондықтан бұл екі жақ бір бірімен тығыз байланысты.

«Медиа бұл уақыттың айнасы ғана емес, бұл - оның қозғаушы күші».  Өзбекстанның медиа қауымдастығының өкілі Санжар Устабобоев өз сөзін осылай бастады. Бүгінде Өзбекстанның телеканалдары цифрлық платформаларда қолжетімді. Олар жастармен белсенді жұмыс істеп, цифрлық дағдыларға үйретеді. Қауымдастық өкілінің айтуынша, жаңа технологиялар қолдануда қауіпсіздік, әдеп, мәселелері, оқытылады.

Санжар Устабобоев, Өзбекстан ұлттық медиа қауымдастығының бас директорының орынбасары:

- Медиа саласын өзгертетін 3 нәрсе ол ынтымақтастық экожүйесін құру. Ол  университеттер, мидиатехнологиялық компаниялар мен мемелкет арасында құрылуға тиіс. Екіншіден білім беруге инвестиция жасау, журнлаистерді дайындау. Олар технолгия тілін меңгеріп қана қоймай, құндылықтарды да білу керек. Үшінші Орталық Азияны біртұтас медиа кеңістік ретінде ілгерілету.

Жалпы ASTANA MEDIA WEEK бұқаралық ақпарат құралдары өкілдері үшін тәжірибе алмасуға үлкен мүмкіндік береді. Қатысушылар ақпараттық талдау, тың технологиялар, деректерді өңдеу төңірегінде пікір алмасады.  Форум аясында деректі фильмдерді түсіру бойынша режиссерлерге, операторлар, жарық қоюшыларға арналған шеберлік сағаттары өтеді. Кризис коммуникация  бойынша мастер-кластар өтеді. Басты миссия - медиадағы жасанды интеллектінің жұмысын реттеу.

Ғазиза Мұхамеджанова, Өрден Жарқын