2026 жылғы ӘМСҚ: 3,4 триллион теңге қайда бағытталады

Qazaq24.com, Tengrinews.KZ дереккөзінен алынған мәліметтерге сүйене отырып мәлімдеме жасады..

2026 жылы Әлеуметтік медициналық сақтандыру қорында (ӘМСҚ) медициналық көмекке 3,406 миллиард теңгеден астам қаражат қаралған. Бұл қаражат қандай қызметтерге жұмсалатынын және әкімшілік шығындарға қанша ақша кететінін Tengri Health тілшісі анықтап көрді.

Қор медициналық көмекке қанша қаражат бағыттайды?

Медициналық сақтандыру қорының ресми сауалымызға берген жауабына сәйкес, тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру (МӘМС) жүйесі шеңберінде қаралған қаражаттың жалпы көлемі төмендегідей:

2024 жылы - 2 797,8 миллиард теңге; 2025 жылы - 2 956,6 миллиард теңге; 2026 жылы - 3 406 миллиард теңге.

Біз жалпы көлемнен медициналық көмектің түрлі бағыттарына және әкімшілік шығындарға қанша ақша бөлінетіні туралы ақпарат беруді сұрадық.

1. Алғашқы медициналық-санитарлық көмек.

2026 жылы емханалардың қызметін төлеуге 589,4 миллиард теңге қаралған. Бұл қаржыландырудың жалпы көлемінің 17,3 пайызын құрайды.

2025 жылы 593,4 миллиард теңге немесе 20,1 пайыз бөлінген болатын, 2024 жылы - 580 миллиард теңге немесе 20,7 пайыз.

2. Стационарлардағы мамандандырылған медициналық көмек.

Қордың мәліметінше, биыл бұл бағытқа 773,2 миллиард теңге бөлінген. Бұл қызметтерге жұмсалатын шығындардың үлесі ӘМСҚ жоспарлаған жалпы көлемнің 22,7 пайызын құрайды.

2025 жылы - 646,9 миллиард теңге немесе 21,9 пайыз, 2024 жылы - 594,2 миллиард теңге немесе 21,2 пайыз.

3. Амбулаториялық дәрі-дәрмекпен қамтамасыз ету.

Пациенттер тегін алатын препараттарды сатып алуға 2026 жылы 348,7 миллиард теңге қаралған, бұл - жалпы қаржыландырудың 10,2 пайызы.

2025 жылы - 272,9 миллиард теңге (9,2 пайыз), 2024 жылы - 246,9 миллиард теңге (8,8 пайыз).

4. Консультациялық-диагностикалық көмек.

Бұл - пациенттің емханаларда, диагностикалық орталықтарда, ауруханалардың амбулаториялық бөлімшелерінде ауруханаға жатпай-ақ алатын бейінді дәрігерлердің кеңестері, талдаулар мен тексерулер.

2026 жылы бұл мақсатқа 428 миллиард теңге (12,6 пайыз) бөлінді.

2025 жылы - 354,6 миллиард теңге (12 пайыз), 2024 жылы - 362,9 миллиард теңге (13 пайыз).

5. Жедел медициналық көмек және медициналық тасымалдау.

Биыл бұл қызметтер 151,7 миллиард теңгеге (жалпы көлемнің 4,5 пайызы) қаржыландырылады.

2025 жылы бұл сома 129,3 миллиард теңгені (4,4 пайыз) құрады, 2024 жылы - 119,6 миллиард теңге (4,3 пайыз). Қор өзіне қанша жұмсады?

Редакция қордан әкімшілік шығындар мен қызметкерлердің еңбекақысы туралы ақпаратты бөлек сұратты. Бізге 2026 жылдың бірінші жартыжылдығында қордың шығындары 8,9 миллиард теңгені құрағанын айтты. Бұл соманың ішінде:

5,6 миллиард теңге (62 пайыз) - барлық өңірдегі барлық қызметкердің еңбекақысы; 1,2 миллиард теңге (13 пайыз) жалдау ақысына және өнім берушілермен және мердігерлермен есеп айырысуға бағытталды; 700 миллион теңге (8 пайыз) - салықтар.

2025 жылы жалпы шығындар 17,6 миллиард теңгені құрады:

11,7 миллиард теңге (66 пайыз) - қызметкерлердің жалақысы; 2,1 миллиард теңге (12 пайыз) - жалдау ақысы және өнім берушілермен және мердігерлермен есеп айырысу; 1,6 миллиард (9 пайыз) - салықтар.

2024 жылы қордың шығындары 15,7 миллиард теңгені құрадыжұмыс істеді. Оның ішінде:

10,6 миллиард теңге (67 пайыз) - еңбекақы төлеу. 1,6 миллиард теңге (10 пайыз) - жалдау ақысы және өнім берушілермен және мердігерлермен есеп айырысу, 1,2 миллиард теңге (7 пайыз) - салықтар. Әкімшілік шығындарға не кіреді?

Қордағылар сөз болып отырған әкімшілік шығындар тек Астанада орналасқан орталық филиалға ғана қатысты емес екенін нақтылады.

"Оларға қордың 20 өңірлік аппаратының әкімшілік шығындары кіреді", - деп толықтырды жауапта.

Жалақыдан бөлек, бұл санатқа мыналар кіреді:

азаматтарға МӘМС мәселелері бойынша телефон арқылы кеңес беру қызметіне ақы төлеу, үй-жайларды жалдау, байланыс, негізгі құралдар мен материалдық емес активтерді ұстау және оларға қызмет көрсету, ақпараттық қауіпсіздік және басқа да шығыстар.

Бұған дейін біз қорға пациенттердің қанша ақша аударатынын және олардың өздеріне көрсетілген қызметтердің құнын біле алатынын-білмейтінін талдаған болатынбыз. Бұл туралы толығырақ осы сілтеме арқылы оқи аласыздар.