“Анаңды өлтіре жаздаған адамды қолдайсың”: Айсәуле Бақытбек әкесімен қарым қатынасын айтып берді

Танымал блогер Айсәуле Бақытбек әкесімен қарым-қатынасы жайында айтып берді, деп хабарлайды Аikyn.kz. Zamandas подкастына сілтеме жасап

Айтуынша, ата-анасының оқиғасынан екі ай бұрын Әлішермен екі жаққа кетіскен. Өзі қатты стресс түсіп, күйзелісте жүрген. 

- Ата-анамның көзімізше сөзге келіп, ұрысқан емес. Сіңлім Айару да көрмеген. Ата-әжеміздің қолында өстік. Олар 80-жылдардағы адамдар болғасын бір-біріне дауыс көтеретін. Ол оқиға мені қатты есейтіп жіберді. Америкаға кетемін деп билет алып қойған едім. Бірақ төрт айдан кейін ғана жолым түсті.

Анамды соққыға жыққанда бірден Әлішерді іздедім. Анамды ауруханаға, әкемді түрмеге алып кетті. Мен әкемнің жанында қалып, Әлішермен сөйлестім. Ол бірден мені жұбатуға тырысты. Қасыма келетінін айтып, көңілімді аулады, - деген Айсәуле Бақытбек сол жылы менің өмір сүру режимі күрт өзгергенін айтты.

Айтуынша, төрт ай бойы аурухана мен түрменің ортасында жүрген.

- Таңертең түрмеге барамын, түсте ауруханаға анамның жанына келемін. Әлішер жанымда болды, бірақ Америкаға кететін уақыты жақындағасын ол ұшып кетті. Содан кейін ойлана бастадым. Қыркүйекте мен де бәрін тастап, Америкаға кетіп қалдым. Ол кезде жағдай да тұрақталған еді”, – деді блогер. 

Айсәуленің сөзінше, бүгінде қыздары әкесімен араласып тұратынын жасырмады. 

“Қыздарым “Бақытбек ата келе ме?” деп іздеп тұрады. Аталарын жақсы көреді. Араласып тұрамыз. Анам әуелден әкемізден ажыратқан жоқ. Біздің араласып тұруымызды талап етеді. Осы оқиғадан кейін психологпен жұмыс істедік. Түрмеде отырғанда да әкеме барып тұрдым. Бірақ мен оны жұртқа қалай жеткізерімді білмедім. “Әкеммен сөйлесіп жатырмын” десем, “Анаңды өлтіре жаздаған адамды қолдайсың” деп айтады. Мен оның ісін қолдамаймын. Әкемді немерелерінен айыра алмаймын”, – деді Айсәуле.