Apple Макс мессенджері неге App Store дан жойылғанын түсіндірді

Технологиялық алып компания Apple ресми түрде «Макс» мессенджерін App Store-дан алып тастау себебін жариялады. BBC хабарлауынша, компания өз қызметін жүргізетін елдердің заңдарын қатаң сақтайтынын мәлімдеді.

Ресми жауапта айтылғандай, қосымша халықаралық санкциялар ережелеріне сәйкес жойылған. Алайда нақты қай санкциялық пакеттер негіз болғаны ашып көрсетілмеді.

Пайдаланушылар қосымшаның жоғалғанын 3 маусым кешінде байқаған. «Макс» іздеу нәтижелерінде шықпайды, ал тікелей сілтеме арқылы кіргенде қате көрсетіледі. Бұған дейін ресейлік оппозиция өкілдері қосымшаны алып тастауға белсенді түрде шақырған болатын.

Еске салсақ, 2025 жылдың жазында Ресей үкіметі «Макс» мессенджерін ұлттық қосымша деп жариялаған еді. Бұл шешім WhatsApp пен Telegram-ға енгізілген шектеулерден кейін қабылданды. Алдымен Роскомнадзор бұл платформалардағы дауыс қоңырауларын бұғаттады, ал биылғы сәуірден бастап Telegram Ресей аумағында толықтай жабылды.

Бүгін, 13:48