“Ақ халатты жауынгер“: этникалық қазақ Қытайдың ең жоғары марапатына ие болды

Тегі қазақ дәрігер Ухас Сүлеймен Қытайдың ең жоғары партиялық марапаты - "1 шілде" орденімен наградталды. Марапаттау рәсімі ҚХР төрағасы Си Цзиньпиннің қатысуымен өтті, деп хабарлайды Tengri Life.

Тегі қазақ дәрігер Ухас Сүлеймен Қытайдың ең жоғары партиялық марапаты - "1 шілде" орденімен наградталды. Марапаттау рәсімі ҚХР төрағасы Си Цзиньпиннің қатысуымен өтті, деп хабарлайды Tengri Life.

Ухас Сүлейменге марапат Қытай Коммунистік партиясының 105 жылдығына арналған салтанатты шарада табысталды.

Посмотреть эту публикацию в Instagram

Публикация от Kaz.Tengrinews (@kaz.tengrinews)

Қытайлық БАҚ мәліметінше, дәрігер "1 шілде" орденімен марапатталған алғашқы қазақ болып отыр.

Фото: gov.cn

Медицинада жарты ғасырға жуық еңбек етті

Ухас Сүлеймен кәсіби жолын 1975 жылы медициналық училищені бітіргеннен кейін бастаған. Ол Қытайдың денсаулық сақтау жүйесінде жұмыс істеп, ұзақ жылдар бойы Дүрбүлжің уезінің (Тарбағатай) Шәуешек аудандық ауруханасының ішкі аурулар бөлімі бас дәрігерінің орынбасары қызметін атқарған.

Қалада жұмыс істеу мүмкіндігіне қарамастан, жас дәрігер өз еркімен Шыңжаңдағы шалғай жайылымдық аймақтарға барып, онда ондаған жыл бойы науқастарға атпен барып көмек көрсеткен. Қандай ауа райы болса да, ол таулы соқпақтардан, тасыған өзен мен қарлы бораннан өтіп, жергілікті тұрғындарға медициналық көмек көрсеткен. Бірде қатты боран кезінде дәрігер қалың қарда бірнеше шақырым жаяу жүріп, жүкті әйелдің босануына үлгеріп, өмірін сақтап қалған.

Фото ҚХР Xinhua News ақпарат агенттігі сайтынан

100 мыңнан астам пациент

Жұмыс істеген жылдары Ухас Сүлеймен шалғай ауыл тұрғындарына медициналық көмек көрсету барысында 200 мың шақырымнан астам жол жүрген. Ол 100 мыңнан астам науқасты қабылдап, 3200-ден астам сәбидің дүниеге келуіне көмектескен.

Жергілікті малшылар арасында дәрігерді "ақ халатты жауынгер, ат үстіндегі дәрігер" деп атайды.

Зейнетке шыққаннан кейін де емдеуді жалғастырған

2015 жылы зейнетке шыққаннан кейін де Ухас Сүлеймен мамандығын тастамаған. Ол жеке денсаулық кабинетін ашып, тұрғындарды тегін қабылдауды жалғастырған және шалғай өңірлердегі адамдарға медициналық көмек көрсететін еріктілер жобасын құрған.

Фото Xinhua News

"1 шілде" ордені туралы не белгілі?

Кәсібіне адалдығы мен ұзақ жылдық еңбегі үшін дәрігер бірнеше рет Қытайдың мемлекеттік марапаттарына ие болған. "1 шілде" ордені Қытайдағы ең жоғары партиялық марапат болып саналады. Ол елдің, қоғамның дамуына және халықтың әл-ауқатына ерекше үлес қосқан Коммунистік партия мүшелеріне беріледі.

Ухас Сүлейменнің өмір жолы әлеуметтік желілерде кеңінен талқыланып, қолданушылар дәрігерді жоғары мемлекеттік марапатымен құттықтап, оны адамдарға адал қызмет етудің үлгісі деп атап жатыр.

Тағы оқыңыз: АҚШ елшісі Әсел Робертс словен тілінде сөйлеп көпшілікті тәнті етті

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Google News арқылы жаңалықтарымызды қадағалаңыз

Жазылу