Ақмола облысында 4 айда 232 тұрғын алаяқтарға алданған

77 жастағы Державинск қаласының тұрғыны және оның 53 жастағы ұлы алаяқтың «құрбанына» айнала жаздады. Алаяқ өзін медицина қызметкері ретінде таныстырып, медициналық тексеру жүргізу сылтауымен, SMS арқылы келген растау кодтарын иемденген.

- Жедел топ фишингтік қоңырауды дер кезінде тоқтатты. Жедел әрі үйлесімді әрекеттердің арқасында зейнеткер әйел мен оның ұлының жинақтары сақталып, алаяқтық фактісінің жолы кесілді, - делінген хабарламада.

Жалпы, 4 ай ішінде облыс бойынша 232 тұрғын алаяқтардың құрбанына айналып, келтірілген шығын 554 млн теңгеден асты.

-Тұрғындарды сақ болуға және алаяқтардың айла-тәсілдеріне алданбауға шақырамыз,-деп ескертті прокуратура.

Осыған дейін Алматыда телефон алаяқтығына қатысы бар қылмыстық топ ұсталғаны туралы жаздық.