Алматыда арнайы жасақ пәтер гастролерлерін ұстады: арнайы операция кадрлары

Алматыда бірнеше пәтер ұрлығына күдікті үш ер адам ұсталды. Полиция қызметкерлері арнайы операцияны арнайы жасақ сарбаздарымен бірге жүргізді. Алдын ала мәлімет бойынша ер адамдардың шамамен бес эпизодқа қатысы болуы мүмкін, деп хабарлайды Tengrinews.kz қалалық Полиция департаментіне сілтеме жасап.

Алматыға ұрлық жасау үшін келген

Алдын ала ақпарат бойынша күдіктілер Алматыға келіп, пәтерлерді тонап, содан кейін қаладан кетіп қалып отырған. Олар арнайы жасақ сарбаздары бірге өткізілген арнайы операция кезінде ұсталды.

Ұстау және кейінгі тергеу амалдары барысында полицейлер ұрланған заттарды тәркіледі. Үш ер адам қамауға алынды.

Қазір жедел уәкілдер ұсталғандардың басқа да осыған ұқсас қылмыстарға қатысы бар-жоғын анықтап жатыр. Полиция қылмыстық эпизодтар саны артуы мүмкін екенін жоққа шығармайды.

Instagram-дағы бұл жарияланымды көру

Алматы қаласының ПД жарияланымы (@almaty.police)

Еске салайық, бұған дейін Таразда екі ер адам ұсталды, олар құны 17 миллион теңгеден асатын зергерлік бұйымдар мен ақшаны ұрлады деген күдікке ілінді. Тінту кезінде күдіктілердің бірі алтын алқаны унитазға ағызып жібермек болған.

Бізді Google-дың негізгі дереккөздер тізіміне қосыңыз