АҚШ Иранға қарсы операцияны кемінде 100 күн жүргізуді жоспарлап отыр

Америка Құрама Штаттары Иранға қарсы әскери операцияны кемінде 100 күн бойы жүргізуді жоспарлап отыр. Бұл туралы Politico басылымы Пентагонның ішкі құжатына сілтеме жасап мәлімдеді, деп хабарлайды Arasha.kz. 

Басылымның жазуынша, АҚШ Қарулы күштерінің Орталық қолбасшылығының (United States Central Command, СЕНТКОМ) өкілдері Пентагон басшылығынан Флорида штатының Тампа қаласындағы штаб-пәтерге қосымша әскери барлаушылар жіберуді сұраған. Бұл мамандар Иранға қарсы операцияларды кемінде 100 күн бойы, ал ықтимал түрде қыркүйекке дейін қолдауы тиіс.

Басылымның мәліметінше, бұл өтініш АҚШ-тың Иранға қарсы әскери операциясы ел президенті Доналд Трамп бастапқыда айтқан төрт апталық мерзімнен әлдеқайда ұзаққа созылуы мүмкін екенін көрсетеді.

Сонымен қатар басылымның бағалауынша, қосымша мамандарды тарту америкалық әкімшіліктің қақтығыстың салдарына толық дайын болмағанын аңғартады. Politico дерегіне қарағанда, осының бір дәлелі ретінде United States Department of State Грекиядағы, нақтырақ айтқанда Афины қаласындағы елшілікке қосымша қызметкерлер жіберіп жатыр. Олар қақтығыс жағдайында америкалық азаматтарға қолдау көрсетуге тиіс.