АҚШ Иранның үш мұнай танкеріне соққы жасады

АҚШ әскері сенбі күні Иранның үш мұнай танкеріне соққы жасағанын мәлімдеді. АҚШ Орталық қолбасшылығының хабарлауынша, олардың бірі Иранның негізгі мұнай экспорттау орталығы саналатын Харк аралының маңында болған.

АҚШ тарапы бұл операция Иран Ислам революциясы сақшылар корпусының америкалық екі әскери кемеге баллистикалық зымырандармен шабуыл жасауынан кейін жүргізілгенін мәлімдеді. Орталық қолбасшылықтың дерегінше, америкалық әскерилер арасында зардап шеккендер жоқ.

Иранның Tasnim агенттігі Харк аралы маңындағы танкерге төрт зымыран тигенін хабарлады. Алдын ала мәлімет бойынша, адам шығыны жоқ, кеме экипажы эвакуацияланған.

Иран тарапы АҚШ-тың әрекеті жалғасатын болса, аймақтағы америкалық әскери кемелерге жасалатын соққыларды күшейтуі мүмкін екенін ескертті. Харк аралы Иранның мұнай экспорты үшін стратегиялық маңызға ие: соғысқа дейін ел экспорттайтын шикі мұнайдың шамамен 90 пайызы осы арал арқылы жөнелтілген