Иран Дубай жағалауындағы алып мұнай танкеріне соққы жасады

Дүйсенбі күні Иран Дубай маңында мұнай танкеріне шабуыл жасады. Осы тұста АҚШ президенті Дональд Трамп егер Иран Ормұз бұғазын ашпаса, Америка оның энергетикалық нысандары мен мұнай кен орындарын жермен-жексен ететінін мәлімдеді, деп жазады Egemen.kz.

Фото: reuters.com

Кувейт туы ілінген Al-Salmi танкеріне жасалған бұл соққы 28 ақпанда АҚШ пен Израильдің Иранға қарсы шабуылынан бері Парсы шығанағы мен Ормұз бұғазында сауда кемелеріне қарсы зымырандар мен жарылғыш дрондар арқылы жүзеге асқан шабуылдардың жалғасы. Осы шабуылдан кейін мұнай бағасы қайтадан күрт өсті. Аталған танкер шамамен 2 миллион баррель мұнай тасымалдай алатын және оның қазіргі нарықтағы құны 200 миллион доллардан асады.

Кеменің иесі – Kuwait Petroleum Corp компаниясының хабарлауынша, шабуыл сейсенбіге қараған түні болған. Соның салдарынан өрт шығып, кеме корпусы зақымданған. Соққыдан зардап шеккендер туралы ақпарат түспеген. Кейіннен Дубай билігі танкерге дрон арқылы жасалған шабуылдан кейін шыққан өрттің толықтай бақылауға алынғанын хабарлады.

Иран Ормұз бұғазында тағы бір мұнай танкерін жойды

Мұнай мен жанармай бағасының қымбаттауы АҚШ-тағы үй шаруашылықтарының қаржылық жағдайына әсер етіп, қараша айында өтетін аралық сайлау алдында Трамп пен оның Республикалық партиясы үшін саяси мәселеге айнала бастады. Бұған дейін олар энергия бағасын төмендетіп, елдегі мұнай-газ өндірісін арттыруға уәде берген еді.

GasBuddy деректеріне сәйкес, дүйсенбі күні АҚШ-та бензиннің орташа бөлшек бағасы соңғы үш жылдан бері алғаш рет бір галлон үшін 4 доллардан асты. Бұл жаһандық жеткізілімнің қысқаруына байланысты АҚШ мұнайының бағасы бір баррель үшін 101 доллардан жоғары көтерілуімен байланысты.

Қақтығысушы тараптардың шабуылдары бәсеңдер емес.

Соңғы күндері Иранмен одақтас хуситтер Израильге зымырандар мен дрондар арқылы соққы беріп, қақтығысқа қосылды. Ал Түркия Ираннан ұшырылған баллистикалық зымыранның ел әуе кеңістігіне кіріп, НАТО-ның әуе қорғаныс жүйелері арқылы жойылғанын хабарлады.

Өз кезегінде Израиль Тегерандағы әскери инфрақұрылым нысандарына және Бейруттағы Иран қолдайтын «Хезболла» ұйымының объектілеріне зымырандық соққылар жасады. Соның салдарынан Ливан астанасының үстін қара түтін торлады.

Қазақстанның мұнайын тасымалдайтын танкерлер шабуылға ұшырады

Сейсенбі күні Израиль қалаға соққы жасалатыны туралы ескерту жасағаннан кейін, көп ұзамай Тегеранның шығыс және батыс бөліктерінде жарылыстардың дауысы естілді. Tasnim агенттігінің хабарлауынша, Пирузи ауданында электр қуаты өшіп, Иранның Энергетика министрлігі оны қалпына келтіру жұмыстарын бастаған.

Израиль әскері сейсенбіге қараған түні Ливанның оңтүстігінде төрт сарбазының қаза тапқанын мәлімдеді. Бұған дейін дәл осы аймақта БҰҰ-ның Индонезиядан келген үш бітімгері екі бөлек оқиғада көз жұмған. 

Соңғы жаңалықтар

Автоөнеркәсіп: құрастырудан толық өндіріске дейінгі жол

Өндіріс • Бүгін, 15:38

«The National Interest» журналында Президенттің жаңа Конституцияға қатысты мақаласы жарияланды

Ата заң • Бүгін, 15:36

«Бағанашыл» балалар үйінің бірнеше корпусы сүріліп жатыр: Алматы әкімдігі себебін түсіндірді

Алматы • Бүгін, 15:30

Атырауда масаларға қарсы күреске дрондар тартылады: Бюджеттен 200 млн теңге бөлінді

Экология • Бүгін, 15:22

Саясат Нұрбек: «Болашақ» түлектерінің үштен бірі АҚШ-қа виза ала алмай жүр

Білім • Бүгін, 15:02

Ұрлық, бопсалау, алаяқтық: Қарағанды облысында қылмыстық топ ұсталды

Қылмыс • Бүгін, 15:00

Денсаулық сақтау саласындағы серпін: Елімізде нәресте өлімі айтарлықтай төмендеді

Медицина • Бүгін, 14:48

Turkiye Open-2026: Таеквондодан Қазақстан әйелдер құрамасы бес медаль жеңіп алды

Спорт • Бүгін, 14:39

Таяу Шығыстан Қазақстанға: Студенттерден оқу ауыстыру бойынша 500-ден астам сұраныс түсті

Білім • Бүгін, 14:34

Францияда дизель бағасы соңғы 40 жылдағы ең жоғары көрсеткішке жетті

Әлем • Бүгін, 14:20

Жетісу облысында тағы да жер сілкінді

Оқиға • Бүгін, 14:02

Астанада жұмыс табу жеңілдейді: Мансап орталығы үш жерде ашылды

Елорда • Бүгін, 13:51

Елімізде қанша ғылыми зертхана жұмыс істеп тұр?

Ғылым • Бүгін, 13:42

Toyota Land Cruiser алып беремін: Алаяқ елордалық тұрғынның 20 млн теңгесін алып кеткен

Заң • Бүгін, 13:24

Пойыздардың қозғалысын реттеу үшін Starlink спутниктік жүйесі қолданылады

Технология • Бүгін, 13:10

Барлық жаңалықтар