АҚШ та туған балаға бірден азаматтық беруді доғару мәселесі қаралып жатыр

Бұған дейін, 2025 жылдың қаңтарында АҚШ президенті Дональд Трамп елде заңсыз немесе уақытша жүрген адамдардан туған балаларға автоматты түрде азаматтық беруді тоқтататын жарлыққа қол қойған еді. Бұл шешім Трамптың қатаң иммиграциялық саясаты аясында қабылданған.

Трамп сот отырысына өзі қатысып, АҚШ тарихында Жоғарғы соттағы ауызша тыңдауға қатысқан алғашқы қызметтегі президент атанды.

Бұл шараға қарсы тарап жарлық АҚШ Конституциясына енгізілген 14-түзетудің дәстүрлі түсіндірмесіне қайшы келеді деп санайды. Аталған түзетуде: «АҚШ-та туған немесе азаматтық алған және оның құзыретіне бағынатын барлық тұлғалар АҚШ азаматы болып саналады» деп көрсетілген.

Егер бұл жоспар жүзеге асса, жыл сайын АҚШ-та дүниеге келетін мыңдаған балаға әсер етуі мүмкін.

Жоғарғы сот Трамптың АҚШ-та туған балаға азаматтық беруді шектеуге бағытталған жарлығы Конституцияға сәйкес келе ме, жоқ па – осы мәселеге түпкілікті шешім шығаруы тиіс. CNN мәліметінше, сот шешімі маусым айының соңына қарай жарияланады деп күтіледі.

Еске сала кетейік, бұған дейін Трамп АҚШ-та дүниеге келгендерге азаматтық беруді тоқтатуға ниетті екенін жаздық.