АҚШ та ұшақ қону кезінде жүк көлігін қағып кетті

АҚШ-та United Airlines әуе компаниясының Boeing 767 ұшағы Ньюарк Либерти әуежайына қону кезінде жарық бағанасына және тасжол бойымен келе жатқан жүк көлігіне соғылды. Оқиғадан кейін әуе компаниясы ішкі тергеуді бастады, тексеруге Көлік қауіпсіздігі жөніндегі ұлттық кеңес (NTSB) де қосылды, деп хабарлайды Tengri Travel.

АҚШ-та United Airlines әуе компаниясының Boeing 767 ұшағы Ньюарк Либерти әуежайына қону кезінде жарық бағанасына және тасжол бойымен келе жатқан жүк көлігіне соғылды. Оқиғадан кейін әуе компаниясы ішкі тергеуді бастады, тексеруге Көлік қауіпсіздігі жөніндегі ұлттық кеңес (NTSB) де қосылды, деп хабарлайды Tengri Travel.

CNN ақпаратынша, қону кезінде ұшақ әуежай маңындағы Нью-Джерси автожолының бойында орналасқан нысандарға тиген.

Flightradar24 мәліметінше, Boeing 767 Венециядан рейс орындаған. Төмендеу сәтінде лайнер сағатына 250 шақырымнан астам жылдамдықпен қозғалған. Алдын ала мәлімет бойынша, шасси элементтері жарық бағанасы мен тас жолда келе жатқан жүк көлігіне ілініп кеткен.

Бортта 200-ден астам жолаушы мен 10 экипаж мүшесі болған. Жолаушылар мен экипаж мүшелері арасында зардап шеккендер жоқ.

Жүк көлігінің тізгінінде Уоррен Бордли болған. Америкалық БАҚ мәліметінше, ол Ньюарк әуежайына нан өнімдерін апара жатқан.

Бейнетіркегіш жазбасынан ұшақтың жол үстінен өте төмен биіктікте өткенін көруге болады. Бірнеше секундтан кейін шасси жүк көлігіне соғылады: көлік шайқалып, әйнектері жан-жаққа ұшады.

Соқтығысқа қарамастан, жүргізушінің қолы сынған әйнектен ғана тілінген. Ол көлікті өз бетінше тоқтата алған. Кейінірек ер адам тексеруден өтіп, ауруханаға жеткізілген, содан кейін үйіне жіберілген.

Instagram-дағы бұл жазбаны көру

Жазбаны бөліскен Citizen App | Safety (@citizen)

LiveATC.net жариялаған диспетчерлердің сөйлесуіне қарағанда, ұшақ экипажы мен жердегі қызметтер соқтығыс болғанын бірден түсінбеген.

Қонғаннан кейін Boeing бағыттаушы жолақпен қозғалысын жалғастырып, терминалға ешқандай кедергісіз жеткен. Осы уақытта басқа ұшақтар сол ұшу-қону жолағын пайдалануды жалғастыра берген.

Әуе компаниясы қонудың штаттық режимде аяқталғанын және жолаушылардың зардап шекпегенін растады.

"Ұшақ аман-есен қонды, бағыттаушы жолақпен отырғызу қақпасына қалыпты түрде жетті, жолаушылар немесе экипаж мүшелерінің ешқайсысы зардап шеккен жоқ", - делінген әуе компаниясының мәлімдемесінде.

Компания ішкі тергеуді бастағанын хабарлады. Тексеру кезінде рейс экипажы ұшудан шеттетілді.

"Біз ұшу қауіпсіздігі тұрғысынан оқиғаға мұқият тергеу жүргіземіз және осы процедура аясында экипажымыз жұмыстан шеттетілді", - деп мәлімдеді компания.

Көлік қауіпсіздігі жөніндегі ұлттық кеңес оқиғаның мән-жайын зерттеу үшін тергеушілерді жіберген. Мамандар борттық өздігінен жазғыштардың жазбалары мен экипаждың келіссөздерін тексермек.

Google News арқылы жаңалықтарымызды қадағалаңыз