Ақтау маңындағы Көгілдір шығанақта екі жас жігіт суға батып кетті

Маңғыстау облыстық Төтенше жағдайлар департаментінің ресми өкілі Ерлан Солтанмұратовтың айтуынша, қайғылы оқиға 26 маусым күні сағат 20:40 шамасында Ақтау қаласынан 64 шақырым жерде «Көгілдір шығанақ» аумағында болған.

Іздестіру-құтқару жұмыстары барысында төтенше жағдайлар қызметінің мамандары 2001 жылы туған екі жігіттің мәйітін теңізден тауып, жағаға шығарды.

Қарағандыда 16 жастағы жасөспірім суға батып кетті

Алдын ала мәлімет бойынша жастар шомылуға тыйым салынған жерде суға түсіп, батып кеткен. Іздестіру-құтқару жұмыстарына ТЖД-ның 5 қызметкері, 8 құтқарушы, 4 арнайы техника және 2 жүзу құралы жұмылдырылды.

Өңірдің Төтенше жағдайлар департаменті тұрғындар мен өңір қонақтарына судағы қауіпсіздік ережелерін қатаң сақтаудың маңыздылығын тағы бір мәрте еске салды.

Құтқарушылардың айтуынша, тек арнайы жабдықталған әрі рұқсат етілген орындарда ғана шомылу, теңізде қатты толқын болған кезде суға түспеу және балаларды қараусыз қалдырмау қажет.

«Азаматтарды өз өмірі мен жақындарының өмірін сақтауға шақырамыз», деді құтқарушылар.

Ел аумағында шомылу маусымы басталғалы 29 адам суға батып кетті