Ақтауда бухгалтер жүкті әйелдер арқылы 146 млн теңгені жымқырған

Qazaq24.com, Egemen.KZ дереккөзінен алынған мәліметтерге сүйене отырып ақпарат жариялайды..

Ақтау қаласында жүкті әйелдерді жалған жұмысқа орналастыруға байланысты алаяқтық ісі бойынша сот үкімі шықты. Қаржылық мониторингі агенттігінің (ҚМА) мәліметінше, бухгалтер кәсіби білімін пайдаланып, жүкті әйелдерді қолдауға арналған мемлекеттік әлеуметтік төлемдерді заңсыз алу схемасын ұйымдастырған, деп жазады Egemen.kz.

Фото: egemen.kz/Ерлан Омар

Ол ісіне азаматтарды тарту үшін Instagram арқылы өзін әлеуметтік төлемдерді рәсімдеу жөніндегі маман ретінде таныстырып, жәрдемақы көлемін арттыруға көмектесетінін уәде еткен.

Схеманы жүзеге асыру үшін туыстары мен таныстарының атына нақты қызмет жүргізбеген бірнеше жеке кәсіпкер тіркелген.

«Жеке кәсіпкерлер мен тартылған тұлғалардың электрондық цифрлық қолтаңбаларын пайдаланып, бухгалтер жалған жұмысқа қабылдау туралы бұйрықтарды, есеп айырысу тізімдемелері, еңбек шарттары және өзге де бухгалтерлік құжаттарды дайындап, заңды еңбек қатынастары бар деген жалған мәлімет жинақтаған», делінген ҚМА хабарламасында.

Ірі көлемде қаржы жымқырған құрылыс компаниясының басшысы Ресейден экстрадицияланды

Осы жалған мәліметтердің негізінде уәкілетті органдар жәрдемақыларды негізсіз жоғары мөлшерде тағайындаған.

Кейбір кәсіпкерлер төлемдерді алғаннан кейін бұрын аударылған зейнетақы және әлеуметтік аударымдарды кері қайтаруды рәсімдеген.

Нәтижесінде мемлекетке 146 млн теңге көлемінде залал келтірілген.

Тергеу барысында айыпталушының қылмыстық жолмен иемденген қаражатқа сатып алынған үш бөлмелі пәтерін қолдануға тыйым салынды.