Ақтауда қызметкер кеңсеге қару мен гранатамен есеп айырысуға келді

Ақтауда кәсіпорындардың бірінің қызметкері кеңсеге "қару-жарақ пен гранатамен" есеп айырысуға келген, деп хабарлайды Tengrinews.kz тілшісі.

Ақтауда кәсіпорындардың бірінің қызметкері кеңсеге "қару-жарақ пен гранатамен" есеп айырысуға келген, деп хабарлайды Tengrinews.kz тілшісі.

Бұған дейін желіде бейнежазба пайда болған еді, онда полиция қызметкері сырттай мылтыққа ұқсайтын зат салынған сөмкені тексеріп жатыр. Видео жазбасында "Интергаз Орталық Азия" АҚ қызметкері атыс қаруы мен граната алып, есеп айырысуға келгені айтылған.

Маңғыстау облысының полиция департаменті бұл жағдай 30 сәуірде болғанын хабарлады. Ақтау қалалық полициясының жедел басқару орталығына кәсіпорын аумағында гранатаға ұқсас заты бар ер адам жүргені туралы хабарлама келіп түскен.

Оқиға орнына жедел-тергеу тобы дереу жеткен. Тексеру барысында оның кәсіпорын қызметкері екені және өзімен бірге сырттай гранатаға ұқсайтын заттар мен қару тәрізді нысандарды алып келгені анықталған.

"Барлық тәркіленген зат тексерілді - олардың пиротехникалық бұйымдар мен пейнтбол қаруы екені алдын ала анықталды. Айналымға тыйым салынған нысандар табылған жоқ", - деп хабарлады полиция.

Ер адам мас күйінде болып, бөлімшеге жеткізілген. Сот оған есірткі заттарын медициналық мақсаттан тыс тұтынғаны үшін 10 тәулікке әкімшілік қамаққа алу жазасын тағайындаған.

Қазіргі уақытта тергеу амалдары жалғасып жатыр, оның қорытындысы бойынша түпкілікті процессуалдық шешім қабылданады.

ҚАЗІР ТАЛҚЫЛАНЫП ЖАТЫР

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Қазақстанның Халық жазушысы Мұхтар Шаханов өмірден өтті

19 сәуір 22:47 1