Ақтөбе облысында ТЖМ құтқарушылары жоғалған баланы тәулік бойы іздеп жатыр

Авиация жедел келіп, өзен арнасының ұзын бөліктері мен іргелес жерді қоса алғанда, едәуір аумақты ұшып шықты, бұл қысқа мерзім ішінде үлкен іздеу алаңдарын қамтуға мүмкіндік берді.

— Іздестіруге 370-ке жуық жеке құрам, 60-тан астам техника, 11 жүзу құралы, 5 ұшқышсыз ұшу аппараты жұмылдырылған. Сонымен қатар кинологиялық есептоптар, ТЖМ психологтары мен медицина қызметкерлері тартылған. Іздестіру жұмыстарына бұдан бөлек полиция қызметкерлері, ТЖМ әскери бөлімдерінің әскери қызметшілері мен Ұлттық ұлан, жергілікті атқарушы органдардың өкілдері, еріктілер және жергілікті тұрғындар қатысып жатыр, — делінген хабарламада. 

Жұмыс басталғалы ТЖМ сүңгуірлері 70-тен аса рет суға түсіп, 4,8 шақырымға жуық акваторияны тексерді. Жүзу құралдарын қолдану арқылы өзен арнасының 30-дан астам шақырылым тексерілді. Жаяу топтар жағалау бойымен шамамен 45 шақырым жүріп өтті.
Іздестіру жұмыстары тәулік бойы жүргізіліп, күндіз де, түнде де тоқтаусыз жалғасуда. Айтарлықтай қиындықтар өзеннің күрделі географиясымен байланысты: ирек арна, кері ағыстар мен құйындар бар учаскелер, қалың өсімдіктер басқан жетуі қиын аймақтар және батпақты жағалаулар. Қосымша қиындық ретінде судың лайлығы мен көрінудің өте төмен болуы сүңгуірлердің жұмысын едәуір қиындатады.
Оқиға орнында ТЖМ жедел штабы өрістетілді. Жұмыс жүргізу аймағында ТЖД мен ДП командалық-штабтық машиналары жұмыс істейді, спутниктік терминалдар (Starlink, Iridium) арқылы тұрақты байланыс қамтамасыз етілген.

Еске сала кетейік, Ақтөбеде 10 жастағы Мансұр Саматов үйінен 29 наурыз күні үйінен шығып кетіп, кері оралмаған еді. Баланы іздеу жұмыстары сол күннен бері жалғасып жатыр.