Ақтөбе облысындағы ауылдарда Келешек мектептері көбейді

Ақтөбе облысындағы Сарыжар ауылында жаңа мектеп пайдалануға берілді. Білім ордасы «Келешек мектептері» ұлттық жобасы аясында салынды. Жаңа білім ошағында 304 оқушы білім алып, 40 педагог дәріс береді.

Физика, химия, биология, информатика, технология және хореография кабинеттері заманға сай салынған. STEM, робототехника зертханалары бар. Сондай-ақ ауыл мектебінде психолог, логопед, әлеуметтік педагог, инклюзия кабинеттері жұмыс істейді. «80 орындық асхана, акт залы және 4 мыңнан астам кітабы бар кітапхана да оқушылардың жан-жақты білім алуына көмектеседі», - дейді ұстаздар.