Ақтөбеде жаңа зауыт алкогольсіз сусындар өндіретін болады

Инвестициялық бастама Қазақстан Үкіметі мен шетелдік инвесторларды қолдау бағытында жұмыс істейтін «KAZAKH INVEST» ұлттық компаниясының қолдауымен іске асырылып жатыр. Жоба бойынша негізгі келісімдер мен меморандумдар бұған дейін халықаралық инвестициялық алаңдарда, соның ішінде Kazakhstan Global Investment Roundtable және Қазақстан – Түркия бизнес-форумында жасалған болатын.

Іс-шараға Ақтөбе облысы әкімінің орынбасары Абзал Әбдікәрімов, Бас прокуратура жанындағы Инвесторлардың құқықтарын қорғау комитеті төрағасының орынбасары Арман Хасенов, CCI Kazakhstan компаниясының бас директоры Вели Динчель және халықаралық серіктес ұйымдардың өкілдері қатысты.

Абай облысында 1 млрд долларға алюминий зауыты салынады

Жиында сөз алған Абзал Әбдікәрімов бұл жобаның өңдеу өнеркәсібін дамыту мен инвестиция тартуға бағытталған мемлекеттік саясаттың нақты нәтижесі екенін атап өтті. Оның айтуынша, жаңа кәсіпорын өңір экономикасының дамуына серпін беріп, өндірістік әлеуетті арттыруға мүмкіндік жасайды.

Жобаның жалпы құны 41,8 миллиард теңгені құрайды. Кәсіпорынды пайдалануға беру 2027 жылға жоспарланған. Толық өндірістік қуатқа шыққаннан кейін зауыт жылына 300 миллион литрге дейін алкогольсіз сусын өндіретін болады.

Балалық шақтың дәмін сақтаған зауыт

Сонымен қатар жоба аясында 120 жаңа жұмыс орны ашылып, жергілікті тұрғындарды тұрақты жұмыспен қамтуға мүмкіндік туады.

Кәсіпорында заманауи технологиялар мен экологиялық талаптарға сай өндіріс жүйесі енгізіледі. Бұл сапалы әрі бәсекеге қабілетті өнім шығарумен қатар, салаға қажетті білікті мамандар даярлауға да ықпал етеді.