Ақылы автожолдарда сараланған төлем енгізу ұсынылды

— Құжатта сараланған төлем жүйесін енгізу көзделген. Бұл шара транзиттік шетелдік пайдаланушылар тарапынан жоғары жүктемеге ұшырайтын автомобиль жолдарын күтіп-ұстау және қалпына келтіру шығындарын өтеуге мүмкіндік береді. Сонымен қатар бастама еліміздің экономикалық мүдделерін қорғауға және халықаралық көлік қатынастарында өзара қарым-қатынас қағидатын қамтамасыз етуге бағытталған. Қосымша түсімдерді жол инфрақұрылымын дамытуға және ұстауға бағыттау ұсынылады, — делінген Көлік министрлігі әзірлеген хабарламада.

Сонымен қатар, аталған норма Еуразиялық экономикалық одаққа мүше мемлекеттерге, Қазақстан Республикасының резиденттеріне, сондай-ақ ақылы жолдармен жүру шарттары үкіметаралық келісімдерде қарастырылмаған елдерге қолданылмайды.

Айта кетейік, былтыр ақылы жолдардан 90 млрд теңгеге тарта қаражат жиналған еді.