Араб елдері қорғанысқа көп көңіл бөле бастады

Пәкістан мен Сауд Арабиясының стратегиялық өзара қорғаныс келісіміне алдағы уақытта басқа да шығанақ мемлекеттері қосылуы мүмкін.

Ядролық қаруға иелік ететін ресми Исламабад мұны жоққа шығармайды. Бұл жайында араб басылымдары жазды. Сарапшылар келісімнің келешегі келер жылы айқындалады деген пікірде. Еске салайық, қыркүйекте Эр-Риядта Саудия мен Пәкістан қауіпсіздік саласында бұрын-соңды болмаған шарт жасасқан еді. Құжат екі елдің әскери-саяси серіктестігін жаңа деңгейге көтеріп, Таяу Шығыс пен Оңтүстік Азия арасындағы байланыстарды нығайтты. Соған сай, тараптар қорғаныс саласындағы ынтымақтастықты күшейтпек ниетте. Бірақ сарапшылар келісім қандай да бір одақ құруды көздемейді.  Тек үйлесімді қорғаныс, бірлескен жаттығу және тәжірибе алмасу сынды міндеттерді қамтиды - дейді.