Армения премьері Пашинян тағы да әйелмен сөзге келіп қалды

Армения премьер-министрі Никол Пашинян Ереван аудандарының бірінде өзінің "Азаматтық келісім" партиясының сайлауалды науқаны кезінде бір әйелмен сөзге келіп қалды. Әйел шенеунікке "билік оның Отанын ұрлап алғанын және ұрлауды жалғастырып жатқанын" айтты, деп хабарлайды Tengrinews.kz Armenia Today-ге сілтеме жасап.

Армения премьер-министрі Никол Пашинян Ереван аудандарының бірінде өзінің "Азаматтық келісім" партиясының сайлауалды науқаны кезінде бір әйелмен сөзге келіп қалды. Әйел шенеунікке "билік оның Отанын ұрлап алғанын және ұрлауды жалғастырып жатқанын" айтты, деп хабарлайды Tengrinews.kz Armenia Today-ге сілтеме жасап.

Сондай-ақ ол Армения билігін мемлекетті күйретті және 2020 жылдың күзіндегі Екінші Қарабақ соғысы салдарынан тұтас бір ұрпақтан айырды деп айыптады. Әйел кетпек болғанда, Пашинян әмірлі дауыспен оның сөзін тыңдауын талап етіп, қолынан ұстап алды.

"Сіздер менің Отанымды ұрладыңыздар, әлі де ұрлап жатсыздар", - деді ол Армения премьеріне сөзге келіп қалған сәтте.

Армения премьері оның бұл сөздерін бұрынғы билікпен байланысы бар болғандықтан айтып тұрғанын жеткізді. Осыдан кейін ол бұрынғы танылмаған Таулы Қарабақ республикасы өкілдерінің "бетпердесін шешетініне" уәде беріп, Арменияның бұрынғы президенттері Роберт Кочарян мен Серж Саргсянды, "Өркендеген Армения" партиясының лидері Гагик Царукянды және "Қуатты Армения" блогынан премьер-министрлікке кандидат Самвел Карапетянды "тізерлетіп, көзін жоямын" деп сес көрсетті.

"Бетперде киіп, қарабақ акцентімен сөйлейтіндер - қашқындар, нағыз қашқындар. Олар соғыстан "Ферраримен" қашып кетті, біздің балаларымызды тастап кетті, балаларымызды иесіз қалдырды", - деді Пашинян.

Еске сала кетейік, наурызда премьер-министр Никол Пашинян Ереванды аралау кезінде метроға мініп, сол жерде жолаушы әйелмен сөзге келіп қалды. Бұл жағдай оған Қарабақтан армян халқының үдере көшуі туралы сұрақ қойылғаннан кейін болған еді. Кейін Армения премьері кешірім сұрады.

2020 жылғы қарашада Екінші Қарабақ соғысы нәтижесінде Таулы Қарабақ аумағының бір бөлігі Әзербайжанның бақылауына өтті, ал 2023 жылғы қыркүйекте Әзербайжан бүкіл аймақты өз бақылауына алды. Осыдан кейін Қарабақтан 100 мыңнан астам армян кетіп қалды.

Google News арқылы жаңалықтарымызды қадағалаңыз