Артемида II экипажы Жерден ең алысқа ұзаған Аполлон 13 тің рекордын жаңартты

252 752 миль! Бұл – адамзат тарихындағы жаңа ғарыштық белес. «Артемида II» экипажы Жерден бұрын-соңды адам бармаған ең алыс қашықтыққа жетті.

Бұл туралы АҚШ-тың Ұлттық аэронавтика және ғарыш кеңістігін зерттеу басқармасы (НАСА) X әлеуметтік желісінде мәлімдеді.

– Бұл 1970 жылы «Аполлон-13» орнатқан алдыңғы рекордтан шамамен 4 102 мильге артық, – деді жазба авторлары.

Ғарыш кемесі «Орион» 6 сәуір күні Айдың тартылыс өрісіне сәтті енді. «Артемида II» миссиясы аясында астронавтар Жер серігін айналып ұшуы тиіс.

Бір тәулік ішінде астронавтар Айдың арғы бетінен 7 500 шақырымға дейін жақындап, Жер мен Айды бір мезетте көру мүмкіндігіне ие болады. Сонымен қатар олар Күн тұтылуын да тамашалай алады.

Миссия барысында қатысушылар автономды режимде алты күнге дейін тыныс алуды қамтамасыз ететін жаңа скафандрларды сынақтан өткізеді.

Осылайша, «Артемида II» 1972 жылдан бергі Айға бағыт алған алғашқы пилоттық экспедиция атанып отыр.

Еске сала кетсек, «Орион» кемесі ғарышқа 1 сәуір күні ұшырылды. Бортта америкалық астронавтар Рид Уайсмен, Виктор Гловер, Кристина Кук, сондай-ақ Канада ғарыш агенттігінің астронавты Джереми Хансен бар. Бұл – 1972 жылдан бері Айға бағытталған алғашқы пилотты кеме.

«Артемида II» миссиясының мақсаты – «Орион» жүйелерін алыс ғарыш жағдайында сынақтан өткізу, сондай-ақ Айдың үстінен ұшу кезінде оны құжаттап фотоға түсіру.

Жоспар бойынша, кеме Жер серігін 10 тәулік ішінде айналып өтіп, кейін Жерге қайта оралады.

Айта кетейік, Айға ұшып бара жатқан астронавтар Жердің таңғажайып суретін түсіріп алғанын жаздық.

Ал кеше астронавттар Жерден ең алыс ұшу рекордын жаңартуға жақын қалғаны хабарланды.