Әскердегі зорлық зомбылық туралы жалған мәлімдеме жасаған жігіт 3 жылға сотталды

Фото: istockphoto.com

Тергеу мәліметінше, сотталған азамат биыл ақпан айында анонимді аккаунт арқылы әскери қызмет кезінде өзіне жыныстық зорлық-зомбылық жасалғаны және өміріне қауіп төніп тұрғаны туралы ойдан шығарылған жазба жариялаған. Ол шетелге кету үшін қаржылай көмек сұрап, жазбаға банк шотының деректемелерін қоса тіркеген.

«Әлеуметтік желі қолданушыларының бірінің шағымынан кейін жүргізілген тексеру барысында жарияланған ақпараттың шындыққа сәйкес келмейтіні анықталды. Сонымен қатар күдіктінің ешқашан әскери қызмет атқармағаны белгілі болды. Тергеу барысында оның ақша жинау үшін мән-жайды білмейтін 17 жастағы танысының банк шотын пайдаланғаны анықталды. Екі күн ішінде бұл шотқа 15-тен астам ақша аударымы түскен», делінген ІІМ хабарламасында.

Алматы облысында 500-ден астам жалған хабарландыру бұғатталды

Аталған факті бойынша алаяқтық және көрінеу жалған ақпарат тарату баптары бойынша қылмыстық іс қозғалды. Күдікті тергеу кезінде жалған ақпаратты тек заңсыз пайда табу мақсатында таратқанын мойындаған. Сот оны кінәлі деп танып, 3 жылға бас бостандығынан айыру туралы үкім шығарды.

Мас күйде көлік жүргізген әйел жалған жүктілік анықтамасымен жазадан құтылмақ болған

Еске сала кетейік, бұған дейін сотта жалған айғақ берген Щучинск тұрғыны 2 жылға бас бостандығынан айырылған болатын.