Астана мен еліміздің 15 өңірінде жаңбыр жауып, тұман басады

Астанада күннің екінші жартысында жаңбыр мен найзағай күтіледі. Күндіз шаңды дауыл көтеріледі.

Ақмола облысында күндіз батыс, солтүстік және оңтүстікте жаңбыр жауып, найзағай, бұршақ, шаңды дауыл болады. Жел оңтүстік-шығыстан оңтүстік-батысқа ауысады, күндіз батыс, солтүстік және оңтүстікте екпіні 15–20 м/с дейін жетеді. Көкшетауда жел оңтүстік-шығыстан оңтүстік-батысқа ауысады, күндіз екпіні 15 м/с шамасында болады.

Солтүстік Қазақстан облысының батысы мен солтүстігінде тұман түседі. Күндіз батыс және оңтүстікте найзағай ойнап, оңтүстік-шығыстан жел соғады, екпіні 20 м/с дейін барады. Петропавлда түнде және таңертең тұман түсіп, жел соғады.

Қостанай облысында жаңбыр, найзағай күтіледі, солтүстік, батыс, оңтүстік-батыс аймақтарда жаңбыр құйып, күндіз бұршақ жауады. Шығыста тұман түседі. Жел оңтүстік-шығыстан солтүстік-батысқа ауысады. Қостанайда найзағай ойнайды, күндіз кей жерлерде қатты жаңбыр, бұршақ жауады. Жел оңтүстік-шығыстан солтүстік-батысқа ауысады, күндіз екпіні 15–20 м/с дейін жетеді.

Қарағанды облысында күндіз батыс пен солтүстікте найзағай ойнап, шығыста тұман болады. Жел оңтүстік-шығыстан соғады, күндіз батыс пен солтүстікте екпіні 15 м/с дейін барады.

Ұлытау ауданында батыс, солтүстік және орталықта найзағай күтіледі. Жел оңтүстік және оңтүстік-батыстан соғады; таңертең және күндіз батыс, солтүстік және орталықта екпіні 15–20 м/с, кейде 23 м/с болады. Жезқазғанда жел оңтүстік және оңтүстік-батыстан соғып, күндіз екпін 15 м/с дейін жетуі мүмкін.

Шығыс Қазақстан облысында түнде және таңертең солтүстік пен шығыста тұман болады. Өскеменде түнде және таңертең тұман сақталады.

Абай облысында түнде және таңертең солтүстік пен орталықта тұман болады. Жел солтүстік-шығыстан соғып, Аягөз ауданында түнде және таңертең екпін 15–18 м/с дейін баруы ықтимал.

Жетісу облысында солтүстік және оңтүстікте жоғары өрт қаупі сақталады. Талдықорғанда да жоғары өрт қаупі бар.

Жамбыл облысында таңертең және күндіз батыс, оңтүстік және таулы аудандарда жаңбыр, найзағай, бұршақ болады. Таулы аудандарда тұман сақталады. Жел солтүстік-шығыстан соғып, күндіз кей жерлерде екпіні 15–20 м/с болады. Орталық, солтүстік-батыс және шығыста жоғары өрт қаупі бар. Таразда күндіз жаңбыр, найзағай, бұршақ болады, жел солтүстік-шығыстан соғып, күндіз екпін 15–20 м/с.

Түркістан облысында күндіз тауларда қатты жаңбыр болады. Оңтүстік, батыс, таулы аудандарда найзағай, бұршақ күтіледі. Жел солтүстік-шығыстан соғып, таулы аудандарда екпіні 15–20 м/с дейін жетеді. Батыс, солтүстік және орталықта жоғары өрт қаупі сақталады. Түркістан қаласында түнде және таңертең найзағай ойнайды. Жел солтүстік-шығыстан соғады, екпіні 15–20 м/с. Жоғары өрт қаупі сақталады.

Шымкентте таңертең және күндіз найзағай ойнайды. Жел солтүстік-шығыстан соғып, екпін 15–20 м/с дейін барады.

Қызылорда облысында түнде солтүстік пен орталықта жаңбыр құяды. Солтүстік, шығыс, орталықта найзағай ойнайды. Жел оңтүстік-батыстан соғады, екпіні 15–20 м/с. Шығыста жоғары өрт қаупі сақталады. Қызылордада түнде және таңертең найзаға ойнап, желдің екпіні 15–20 м/с дейін көтеріледі.

Ақтөбе облысында шығыс пен оңтүстікте жаңбыр, найзағай күтіледі. Түнде және таңертең батыс, солтүстік аймақтарда тұман түседі. Жел солтүстік-батыстантан соғады, шығыс, оңтүстік аймақтарда екпіні 15–20 м/с дейін жетеді. Ақтөбеде жел солтүстік-батыстан соғады, күндіз екпіні 15 м/с дейін баруы ықтимал.

Батыс Қазақстан облысында күндіз батыс, солтүстік және кей жерлерде жаңбыр, найзағай болады. Түнде және таңертең батыс, солтүстік және оңтүстік аймақтарда тұман түседі. Оралда күндіз найзағай, түнде және таңертең тұман сақталады.

Атырау облысында солтүстік, оңтүстік және шығыста тұман болады. Атырауда түнде және таңертең тұман сақталады.

Маңғыстау облысында күннің екінші жартысында батыс аудандарда жаңбыр жауып, найзағай күтіледі.

Естеріңізге сала кетейік, бұған дейін «Қазгидромет» РМҚ синоптиктері Қазақстан бойынша 2026 жылғы 4 сәуірге арналған ауа райының жалпы болжамын жариялады.