Астанада 13 елден келген студент ЖИ технологиялардың заң жүйесіне әсерін зерттеді

Астанадағы Maqsut Narikbayev University-де «International Legathon MaxUP 2026» екінші халықаралық заң саласындағы кейс-чемпионаты өтті. Ауқымды сайысқа 13 мемлекеттен 90-нан астам студент қатысты, деп жазады Egemen.kz

Іс-шара Мемлекет басшысы жариялаған Цифрландыру және жасанды интеллект жылы аясында ұйымдастырылды. «Болашақ құқығы» тақырыбындағы байқау елімізден бөлек, Әзербайжан, Германия, Грузия, Канада, Қырғызстан, Қытай, Малайзия, Өзбекстан, Ресей, Румыния, Үндістан және Шри-Ланка жоғары оқу орындарының 23 командасын біріктірді. Жарыс барысында студенттер жаңа технологиялардың заң жүйесіне, құқық қағидаттарына, этика мен адам құқықтарына әсерін зерттеді.

«Екі күнге созылған International Legathon MaxUP сайысында қатысушылар құқықтың болашағы бүгіннен бастап қалыптасатынын көрсетті. Бұл олардың идеялары, ұсынған шешімдері және жаңаша ойлау қабілетіне байланысты. Қазір біз құқық пен технология қатар дамып жатқан кезеңде өмір сүріп отырмыз. Сондықтан бүгінгі таңда тек заңды білу аз, оны жаңа талаптарға сай түсініп, бейімделе білу маңызды», деді MNU Басқарма төрағасы Талғат Нәрікбаев.

«Lex Fantastica» дебат форматындағы байқаудың бірінші кезеңі «Астана» халықаралық қаржы орталығының Сотында ұйымдастырылды. Пікірсайыс барысында студенттер метағаламшарлардың меншік иелерінің жауапкершілігі мен оны нақты бір мемлекеттердің баламасы ретінде қарастыру, виртуалды активтерді реттеу және виртуалды болмыстың меншігін қорғау, сондай-ақ жасанды интеллект судьядан бас тарту мен виртуалды шындықта болу уақытын шектеудің заңдылығы туралы дәлелдер келтірді. Жарыстың финалдық кезеңі мен Гранд-финал MNU-да өтті.

Білім саласындағы серпіліс

Финалға қатысушылар автономды көлікті пайдалану, синтетикалық контент және экономикадағы жасанды интеллектіні реттейтін нормаларды әзірлеу бойынша өз идеяларын ұсынды. Төрешіліктің бейтараптығын сақтау үшін қатысушылар сөз сөйлеу барысында өз елі мен университетін танытқан жоқ. Командалардың ұсыныстарын әділет, ғылым және жоғары білім вице-министрлері, Жоғарғы Сот судьясы, жетекші заң фирмаларының серіктестері, халықаралық компаниялары, даму институттары, сондай-ақ дипломатия және білім беру салаларының өкілдері бағалады.

«MNU – жасанды интеллектіні заңдастырудың нормативтік құқықтық шеңбері туралы мәселені көтерген алғашқы университет. Ең қызығы, байқауға түрлі елдерден осы мәселелерді шешетін командалар көп жиналды. Елімізде жасанды интеллект туралы заң қабылданғаны белгілі. Осындай іс-шаралар есебінен біз қазіргі заңнамаға тағы бір рет қарап, заңға тәуелді нормативтік құқықтық актілерді пысықтауға немесе жетілдіруге болатын жаңа нормаларды ала аламыз», деді Ғылым және жоғары білім вице-министрі Динара Щеглова.

700 білім бағдарламасы жабылып, тың бағыттар іске қосылады

Сайыс қорытындысы бойынша орыс лигасында Әл-Фараби атындағы Қазақ ұлттық университетінің (Қазақстан), Maqsut Narikbayev University (Қазақстан) және В.Ф. Яковлев атындағы Орал мемлекеттік заң университетінің (Ресей) командалары көш бастады, ал ағылшын лигасында үздік нәтижелерді Малайя университетінің (Малайзия), Румын-американ университетінің (Румыния) және Макгилл университетінің (Канада) студенттері көрсетті. Конкурстың жеңімпазы Малайзияның тұңғыш және ең беделді жоғары оқу орны – Малайя университетінің командасы атанды.

«Мұндай байқаулар әлем жастарына өте маңызды. Ұсынылған заң саласындағы ақпараттар өте қызық болды. Бастапқыда бізде оның қаншалықты шынайы екеніне сенім болған жоқ, бірақ спикерлердің сөздерін тыңдай отырып, құқықтық жүйеге жасанды интеллект технологияларын енгізу кезінде бізге шынымен де жаңа реттеу тетіктері қажет болатыны туралы ойлана бастадық. Қазір құқықтық жүйелер көп жағдайда артта қалып отыр және жас ұрпаққа болашақ үшін инновациялық шешімдерді ұсынуға тура келеді», деді Макгилл университетінің (Канада) студенті Эндрю Цзясин Чен.

Гарвардты бағындырған қаракөз немесе Қазақстан білімінің жаңа кезеңі

Сайыстың жалпы жүлде қоры бес миллион теңгеден асты. Байқау АХҚО Соты, «Kazakhstan Bar Association» заң консультанттар палатасы және «Baker McKenzie» халықаралық заң фирмасының қолдауымен өтті. Сондай-ақ конкурсқа Қазақстанның Даму банкі, «Unicase», «KP Disputes», «Turkenov Consulting» заң фирмалары және адвокат Рена Керімова қолдау білдірді.

Соңғы жаңалықтар

Жүлде қоры – 1 млн доллар: Қазақстанда халықаралық AI Film Festival өтеді

Кино • Бүгін, 15:08

Қайырымдылық қаражатын жымқырған Перизат Қайрат колонияда қандай жұмыс істеп жүр?

Қоғам • Бүгін, 15:05

Олжас Бектенов: Инфляция деңгейін төмендету саясаты жалғасады

Инфляция • Бүгін, 15:02

Мерекеде жұмыс істейтін мәдениет қызметкерлеріне қосымша ақы төлеу талап етілді

Қоғам • Бүгін, 14:55

Мемлекет басшысы Корея Республикасы Президентінің арнаулы өкілін қабылдады

Президент • Бүгін, 14:44

Полиция инвестициялық алаяқтықтың қауіпті схемалары туралы ескертті

Қоғам • Бүгін, 14:40

Астаналықтардың көлік салығы бойынша берешегі 7 миллиард теңгеге жетті

Елорда • Бүгін, 14:31

Биыл елімізде әскери парад өтпейді

Әскер • Бүгін, 14:15

Заң күшейді: Мемлекеттік қызметшілерге қойылатын талаптар көбейді

Қоғам • Бүгін, 13:45

Енді мемлекеттік қызметке кадрларды іріктеу цифрлық форматта жүзеге асырылады

Қоғам • Бүгін, 13:33

Қазақстанда иесіз жануарларды тегін вакцинациялау тоқтатылады

Заң • Бүгін, 13:20

Үй жануарларын чиптеу: Жануарлар туралы жаңа заң бойынша иелердің жауапкершілігі күшейтіледі

Қоғам • Бүгін, 13:03

Ақтөбе облысы әкімдігі ғимаратындағы өрттің алдын ала себебі белгілі болды

Оқиға • Бүгін, 12:53

Алматыда суретші Мадина Мұхтарованың шығармашылық көрмесі ашылды

Руханият • Бүгін, 12:43

Грек-рим күресінен Азия чемпионаты: Бүгін бозкілемге кімдер шығады?

Спорт • Бүгін, 12:39

Барлық жаңалықтар