Астанада Әділет партиясының ұйымдастыруымен ауқымды музыкалық Open Air өтті

Кеш барысында UMAY тобы, Қазақстанның еңбек сіңірген қайраткері Жанар Дұғалова және әнші Artur өнер көрсетті. Сонымен қатар, келушілер үшін интерактивті алаңдар, фотозоналар ұйымдастырылып, балалар мен ересектерге арналған түрлі ойындар мен байқаулар өткізілді.

Интерактивті алаңдардың жұмысына белгілі спортшылар мен қоғам қайраткерлері – Гиннестің рекордтар кітабына енген Сергей Цырульников, Олимпиада чемпионы Серік Сәпиев, Василий Тахтай, Санди Сұлтан және халықаралық гроссмейстер Гүлисхан Нахбаева қатысты. Олар іс-шара қонақтарымен жүздесіп, түрлі белсенді алаңдардың жұмысына атсалысты.

Іс-шара көтеріңкі көңіл күйде өтіп, әртүрлі жастағы қала тұрғындары мен қонақтарының басын қосты.

«Әділет» партиясының Астана қалалық филиалы мерекелік кешті бізбен өткізген барша қонақтарға, әртістерге, еріктілер мен серіктестерге алғыс білдіреді.

Алдағы бір айда «Әділет» партиясының Астана қалалық филиалы тағы бірнеше ауқымды іс-шара өткізуді жоспарлап отыр. Алдағы шаралар туралы ақпарат қосымша жарияланады.