Астанада бүгін 60 жол апаты тіркелді

Астанада таңнан бері 60-тан астам жол-көлік оқиғасы тіркелді. Бұл туралы қалалық полиция департаменті хабарлады. 

Ауа райының қолайсыздығына байланысты кейбір әуе рейстері де кешіктіріліп жатыр. Петропавл-Астана, Доха-Астана және Санья-Астана бағытындағы ұшақтар белгіленген уақыттан кешігіп келеді.  

Айта кетейік, 12 қаңтар күні республиканың басым бөлігінде дауылды ескерту жарияланды. Осыған байланысты мамандар жолаушылардан әуежайға бару уақытын алдын ала жоспарлауды ескертеді. Ал көлік жүргізушілеріне жолда сақ болуға шақырады.