Астанада Өnergy Creative Hub ашылды

27 наурызда Астанада Өnergy Creative Hub – креативті индустрия өкілдері өз жобаларын дамытатын, тәжірибе алмасатын және NU студенттері мен оқытушыларымен бірлескен бастамаларды іске қосатын кеңістік ашылды, бұл – қуатты R&D-құралы. Бұл - Орталық Азиядағы ғылым, технология, креативті индустриялар мен кәсіпкерлік бірыңғай экожүйеге біріктірілген Nazarbayev University базасында жұмыс істейтін алғашқы пәнаралық хаб.

«Өnergy – бұл Nazarbayev University іргелі ғылымы, креативті индустрия мен қазіргі заманғы бизнестің қажеттіліктері арасындағы көпір. Мұнда ғылым, технология және креативті индустриялардың қосылысынан қасбеттерге арналған инновациялық биодизайн-материалдардан бастап СОО-ны мәдени көрікті жерлерге айналдыратын иммерсиялық кеңістіктерге дейін жаңа өнімдер пайда болады.  Бұл Қазақстанның жаңа экономикасының өсу нүктесіне айналуда», - дейді NU Impact Foundation басқармасының төрағасы Саят Нюсупов.

Осы тәсілдің негізінде science-art бағыты - әлемдік мәнмәтінде эксперимент ретінде емес, керісінше жаңа өнімдер мен нарықтарды құрудың толыққанды құралы ретінде қарастырылатын ғылыми зерттеулер мен креативті практикаларды интеграциялау жатыр. Бұл тәсіл идеяларды ғылыми және креативті ортадан нақты экономикалық құндылығы бар шешімдерге аударуға мүмкіндік береді.

Әлемде осындай пәнаралық тәсілі бар жобалар шамалы - атап айтқанда олар инновациялық экономиканың «алтын стандартын» қалыптастырады. Негізгі нысаналардың арасында ғылым, технология және өнер қосылысында antidisciplinary тәсілін дамытатын MIT Media Lab (АҚШ, Бостон), инженерлерді, кәсіпкерлерді және дизайнерлерді біріктіретін Aalto Design Factory (Финляндия), сондай-ақ стартап-экожүйесін дамыту және идеяларды коммерцияландыру арқылы осындай модельдердің масштабталуын көрсететін Station F (Франция, Париж) бар.

Өnergy Creative Hub үздік халықаралық практиканы өңірлік мәнмәтінге бейімдей отырып, осы логиканы дамытады. Жобаның басты айырмашылығы оның Nazarbayev University академиялық және зерттеу ортасымен терең интеграциялануы болып табылады, бұл мықты ғылыми базаға, сараптамаға және адами капиталға қолжетімділікке мүмкіндік береді. Атап айтқанда бұл - пәнаралық және университеттік и нфрақұрылымның үйлесімі - ғылым, технология, креативті индустрия және кәсіпкерлік бірыңғай экожүйеге біріктірілетін кеңістікті қалыптастырады.

Негізінде хаб кең аудиторияға ашылғаны маңызды. Бұл жабық академиялық орта емес, керісінше тірі қала алаңы және зерттеушілер, стартаптар, кәсіпкерлер мен креаторлар бірге жұмыс істейтін қала үшін маңызды институция. Мұнда идеялар зертханаларда қалмайды, олар нақты экономикада қолданылатын прототиптерге, өнімдерге және шешімдерге дейінгі жолдан өтеді. 

Хаб құру Қазақстанның ғылым, технология және білім экономикасы саласындағы стратегиялық міндеттерін іске асыруға көмектеседі. Қазақстан Республикасының жаңартылған Конституциясында инновациялар мен креативті экономиканы дамытуға тікелей байланысты іргелі қағидаттар бекітілген: ғылыми, техникалық және көркем шығармашылық еркіндігіне кепілдік беріледі, ал зияткерлік меншік заңмен қорғалады. Өnergy бұл нормаларды идеялар дамытуға, қорғалуға және елдің нақты экономикасы мен мәдени өмірінде қолданылуына мүмкіндік алатын практикалық ортаға айналдырады.

Хабтың ішінде алты зертхана бар, олардың әрқайсысы цифрлық медиа мен кинодан бастап биодизайн мен гастрономияға дейін пәндердің қосылысында жұмыс істейді. Мұның бәрі халықаралық деңгейдегі академиялық ортамен үнемі өзара іс-қимыл жасау арқылы болады. Бұл тәсіл өзара іс-қимылдың жаңа мәдениетін қалыптастырады, мұнда индустриялар бәсекелеспейді, бірақ бір-бірін күшейтеді.

Өnergy-да клубтық резиденттік жүйесі жұмыс істейтін болады, оның аясында қатысушылар коворкингте жұмыс істей алады, толық циклді зертханада медиаконтент жасай алады немесе өнер саласындағы жобаларды дамыта алады. Қазіргі таңда мұнда NU медицина мектебінің клиникалық нутрициологтары, диетологтары, генетиктері және басқа да сарапшыларының жетекшілік етуімен эксперименттік мейрамхана техникалық режимде жұмыс істей бастайды.

«Өңірде девелопер «биоқасбетке» немесе «ғылыми негізделген иммерсивті мұражайға» тапсырыс бере алатын басқа алаң жоқ. Біз идеялар бастапқыда олардың университет хабы толыққанды бизнес агенттігі ретінде жұмыс істейтін экономикада, мәдениетте және қалалық ортада практикалық қолданылуын ескере отырып дамитын ортаны құрамыз. Бұл ұзақ мерзімді құндылық туралы», – деп атап өтті атқарушы директор Айзада Ғалымқызы.

Жаһандық мәдени және технологиялық мәнмәтінді интеграциялауға ерекше назар аударылады. Хабтың ашылуына Art & Tech зертханасы суретші Ардақ Мұқанованың Қазақстан Республикасы Мәдениет және ақпарат министрлігімен бірлесіп жүзеге асырылып жатқан жобаларының бірі – «Қоңыр Әулие» мультимедиялық инсталляциясын ұсынды. Аталған жоба өзге жобалармен қатар Қазақстан Республикасының атынан қазіргі заманғы өнердің 61-ші Венеция биенналесіне (Biennale Arte) қатысу үшін іріктелген.

Sound Lab зертханасында Жания Аубакирова Cultural Legacy of the Steppe: Piano жобасының тұсаукесеріне қатысты, онда Өnergy Creative Hub және Steinway & Sons қазақ музыкасының «алтын қорын» қазіргі заманғы ең ұлы қазақстандық пианиношыларының орындауында жазады. Алғаш рет біздің туындымыз Spirio жаһандық кітапхананы толықтырады. Бұл Даланың жанды дыбысы әлемнің кез келген нүктесінде әрбір Steinway құралында қолжетімді болады, осылайша қазақ мәдениетін әлемдік кеңістікте сақтап қана қоймай, насихаттайды.

«Бұл жай ғана технологиялық әсер туралы емес, мәдени мұрамен жұмыс істеудің жаңа форматы туралы сөз қоғалып отыр, мұнда қазақстандық өнер жаһандық цифрлық кеңістіктің бір бөлігіне айналады. Біз тек өнер мен ғылымды біріктіріп қана қоймай, олардың гибридін жасаймыз. Өnergy-да NU ғалымдары арт-объектілердің бірлескен авторлары, ал суретшілер жаңа материалдарды тестілеушілер болады», - деп атап өтті хабтың креативті директоры Алибек Батыров.

Өnergy негізінде – тұрақты даму моделі: жобалар индустрияға шығуға бағытталған, ал түскен түсімдер экожүйені алдағы уақытта дамытуға қайта инвестицияланады.

Мұндай кеңістіктердің пайда болуы - жай инфрақұрылымдық қадам ғана емес. Бұл - негізгі рөлді білім, креативтілік және пәнаралық өзара іс-қимылға қабілеті атқаратын экономиканың жаңа моделіне көшу туралы сигнал.

Бұл тұрғыда Өnergy – бұл тек хаб қана емес, Қазақстанның болашақ эконмикасының үлгісі.