Астанада Қаламгерлер аллеясы ерекше безендірілген

Биыл Астана жылдағыдан ерекше безендірілген. Биік шыршалар мен жарық шамдар, сырғанақтар мен мұз айдындар көптің көңілінен шығып жатыр. Әсіресе «Қаламгерлер» аллеясы ерекше сәндік элементтермен көмкерілген. 

Елордадағы «Қаламгерлер» аллеясы жаңа жылға орай ерекше безендірілген. Онда қала тұрғындары мен қонақтар серуендеп, қысқы мерекелік көңіл-күйді сезіну үшін барлық жағдай жасалған. Әсіресе көздің жауын алатын түрлі түсті жарық шамдары мен сәндік элементтер алыстан менмұндалап тұрады.              

Эльмира Ахметова, қала тұрғыны:

- Жалпы қалай жаңа жылдық әсер сезіліп жатыр ма? Паркті жақсы безендіріп, ертегідей әдемі жасаған. Немеремді әкеле жатып горкаға көзім түсіп, бұрылдым осында. Өте жақсы. Осы ауданның тұрғынысыз ғой иә? Осы ауданда тұрамын. Осы бесжылдықтың көлемінде парк жұмыс істеп тұр. Кешкісін өте әдемі, сәнді, өте керемет.   

Балықбай Бекежанов, қала тұрғыны:

- Астанада тұрғаныма 27 жыл болыпты. Өзіміздің қаламыз бұрынғыдай емес жылдан жылға көркейіп келе жатыр. Бұл парктің ашылғанына 1-2 жыл болды. Енді қыс келгенде міне қалаған сырғанақ, елка орнатылып, уақыт өткізіп, таза ауада жүрміз.  

Шынында «Қаламгерлер» аллеясы жаңа жыл қарсаңында көпшіліктің жиі келетін демалыс орнына айналған. Ондағы сырғанақ алаңының ашылуы да балаларға үлкен қуаныш сыйлауда.

Расул Қадырхан, оқушы:

- Осы сырғанақ күшті. Ертең қысқы демалыс басталады. Енді күн сайын келетін боламыз. Достарымызбен келіп, сырғанаймыз. Былтыр да осындай сырғанақ болды. Қатты тайғанақ емес. Ыңғайлы, қауіпсіз.  

Азамат Мұқан, оқушы:

- Осы сырғанақта барлығы жақсы. Маған ұнайды. Кейбір кезде кішкентай заттар құлап қала береді ағаштан. Балалар осы сырғанаққа келеді. Күнде келеміз. 

Байқоңыр ауданына қарасты 10 аумақ толықтай безендірілген. Арасында «Қаламгерлер» аллеясынан бөлек «Жастар» сарайы мен Өндіріс, Кірпішті секілді тұрғын алаптары бар. Ауданда бас аяғы бес шырша орнатылған. 

Райхан Жиенқұл, қала тұрғыны:

- Осы сырғанақ ашылғалы бері келіп жүрміз. Шыршаларға ілінген шамдар барлығы ұнайды. Ертегі әлеміне түсіп кеткен сияқты боламыз. Күнде келеміз. Қыздарымды бақшадан қалай аламын. Солай келеміз. Балаларымның миының дамуына, денсаулығына барлығына күшті әсер етеді. Сатыдан өзіміз шығарамыз, өзіміз түсіреміз.     

Эльмира Ахметова, қала тұрғыны:

- Жаңа жыл берекелі болсын. Қазақстанның абыройы асқақтай берсін. Еліміз аман, жеріміз тыныш болсын. Барлық игі істеріміз, алға қойған мақсаттарымыз орындала берсін деп тілеймін. 

Балықбай Бекежанов, қала тұрғыны:

- Келе жатқан жаңа жылдарыңыз құтты болсын. Денсаулықтарың мықты болып, жұмыста табысты болып осылай қаламыз, Қазақстанымыз көркейе берсін. 

Айта кетейік, Астанада барлығы 60-қа жуық мұз айдын мен сырғанақ жасақталған. Олар түнгі 11-12 ге дейін жұмыс істейді. 

Авторлары: Мерей Қанапия, Досбол Байділдин