Астанадағы мектепте оқушы қыздар төбелесіп, қылмыстық іс қозғалды

Астанадағы №36 мектепте болған оқушы қыздар арасындағы төбелеске қатысты қылмыстық іс қозғалды, – деп хабарлайды Aikyn.kz сайты.

Бұл туралы қалалық полиция департаменті айтты.

Бұған дейін әлеуметтік желіде аталған мектептегі жанжалдың видеосы тараған еді. Оқушылардың ата-аналары мектеп басшылығын оқиғаны жасыруға тырысты деп айыптап, балаларға қысым көрсетілгенін мәлімдеді. Сондай-ақ олар мектеп директорын қызметтен босатуды талап етті.

Полицияның мәліметінше, оқиғаға қатысқан барлық тұлға анықталған. Жанжалға қатысушылардың ата-аналары бала тәрбиесіндегі міндеттерін тиісінше орындамағаны үшін әкімшілік жауапкершілікке тартылған.

Мектепке қатысты тиісті ұсыныстар енгізіліп, бірқатар қызметкерлер тәртіптік жауапкершілікке тартылды. Сонымен қатар уәкілетті органдар жасөспірімдерді арнайы білім беру ұйымдарына жіберу мәселесін қарастыруда.

Қазіргі уақытта тергеу амалдары жалғасып жатыр. Оның қорытындысы бойынша нақты шешім қабылданады.