Астанадан Нью Йоркқа, Лондонға және Парижге премьер министр жаңа авиарейстерді ашуды тапсырды

Астанадан Лондон, Париж, Рим және Вена қалаларына тікелей рейстер 2027 жылы ашылуы мүмкін. Үкімет отырысында премьер-министр Олжас Бектенов осындай тапсырма берді, деп хабарлайды Tengri Travel.

Астанадан Лондон, Париж, Рим және Вена қалаларына тікелей рейстер 2027 жылы ашылуы мүмкін. Үкімет отырысында премьер-министр Олжас Бектенов осындай тапсырма берді, деп хабарлайды Tengri Travel.

Премьер Қазақстанға жаңа халықаралық бағыттарды, атап айтқанда, Еуропалық Одақ елдері мен АҚШ-қа рейстер ашу жұмысын жеделдету қажеттігін мәлімдеді.

Оның айтуынша, Астанадан шығатын халықаралық бағыттарға ерекше көңіл бөлу керек. Бұл ретте Бектенов билет бағалары бәсекеге қабілетті болуы тиіс екенін атап өтті.

"Осыған байланысты Көлік министрлігіне Air Astana компаниясымен бірлесіп, осы жылдың соңына дейін елордадан Токио мен Нью-Йоркке, ал 2027 жылы Астанадан Еуропа елдерінің астаналары мен Лондон, Париж, Рим, Вена сияқты басқа да қалаларға тікелей әуе қатынасын ашуды тапсырамын", - деді премьер-министр.

Бектенов тікелей әуе қатынасын дамыту инвесторлар мен туристерді тарту үшін маңызды екенін атап өтті.

"Егер біз инвесторлар мен туристерді тартқымыз келсе, бұл өте маңызды мәселе", - деді ол.

Токио мен Нью-Йоркке тікелей рейстер мәселесі бірнеше жылдан бері талқыланып келеді. Бұған дейін Tengri Travel осы бағыттардың іске қосылуы, соның ішінде алыс магистральды Boeing Dreamliner ұшақтарының жеткізілуіне байланысты екенін жазған болатын. Көлік вице-министрі Мақсат Қалиақпаров бұған дейін жеткізу мерзімдері бірнеше рет шегерілгенін, бірақ Қазақстан тарапынан міндеттемелер орындалғанын мәлімдеген еді.

Азаматтық авиация комитеті де Air Astana биыл Алматы - Токио рейсін ашу мәселесін қарастырып жатқанын хабарлаған болатын.

Нью-Йорк рейсі бойынша ведомство бұған дейін АҚШ-қа ұшу үшін Қазақстанға Federal Aviation Administration бағдарламасы аясында CAT1 санатын алу, сондай-ақ Boeing 787-9 ұшақтарының жеткізілуін күту қажет екенін түсіндірген.

Бұл ретте рейстің іске қосылу мерзімі бірнеше рет кейінге шегерілді: 2023 жылы бағытты 2025 жылы ашу жоспарланғаны хабарланса, кейін көлік министрлігі алғашқы тікелей ұшу 2026 жылдың екінші жартысынан ерте болмауы мүмкін екенін мәлімдеді.

Google News арқылы жаңалықтарымызды қадағалаңыз