Асүй сорғышы мен ваннадағы желдеткіш көршілерден вирустарды тартуы мүмкін зерттеу

Көпқабатты үйлерде ортақ желдету жүйесі жұмыс істейді. Көршіңіздің шылым шеккенін немесе біреудің котлет қуырып жатқанын сезген боларсыз. Алайда желдету жүйесі арқылы тек иіс емес, сонымен қатар, ЖРВИ, тұмау, тіпті қызылша да таралуы мүмкін, - деп хабарлайды Tengrinews.kz тілшісі "Доктор Питерге" сілтеме жасап.

Көпқабатты үйлерде ортақ желдету жүйесі жұмыс істейді. Көршіңіздің шылым шеккенін немесе біреудің котлет қуырып жатқанын сезген боларсыз. Алайда желдету жүйесі арқылы тек иіс емес, сонымен қатар, ЖРВИ, тұмау, тіпті қызылша да таралуы мүмкін, - деп хабарлайды Tengrinews.kz тілшісі "Доктор Питерге" сілтеме жасап.

Вирус инфекциясын науқас адаммен жақын байланыста болған кезде жұқтыруға болады деп есептеледі. Сондай-ақ, қоғамдық көлікте немесе дүкенде ауру жұқтыру қаупі бар: вирус бөлшектері заттар мен азық-түлік бетіне қонып, біраз уақытқа дейін тіршілігін сақтай алады.

Айналадағылар жаппай түшкіріп, жөтеліп жүрген кезде бірнеше күн болса да үйде оқшауланып отырған дұрыс сияқты көрінеді. Алайда бұл вирустар сізге таралмайды деген кепілдік берілмейді. Жаңа зерттеуге сәйкес, қызылша, тұмау және коронавирус сияқты ауа-тамшы жолымен таралатын инфекциялар әлемнің көптеген елінде кең қолданылатын жуынатын бөлмедегі желдету жүйелері арқылы пәтерден пәтерге оңай таралуы мүмкін.

"Біз пәтердің есігін жауып алсақ, қауіпсіздікте боламыз және ауру жұқтырмаймыз деп ойлаймыз. Бірақ зерттеуіміз желдету жүйесіне байланысты бұл жағдай басқаша болуы мүмкін екенін көрсетеді", - деді зерттеудің аға авторы, Боулдердегі Колорадо университетінің машина жасау кафедрасының құрметті профессоры Шелли Миллер.

Тәжірибе 2020 жылы Испанияда басталған. Ол кезде әлемде коронавирус пандемиясы өршіп, адамдар жаппай оқшаулануға көшкен еді.

Ғалымдар нақты бір тұрғын үйді зерттеген. Көпқабатты, көппәтерлі үй, бір алаңдағы көршілер - көптеген елге тән жағдай. Жеті қабатты үйде қатаң карантинге қарамастан, үшінші қабаттағы бір тұрғыннан коронавирус анықталған. Ғимарат дереу жабылып, адамдар үйден шықпаған. Алайда көп ұзамай бірінің үстінде бірі орналасқан төрт пәтердегі 15 адам коронавирус жұқтырған. Бұған дейін олардың тест нәтижесі теріс болған.

Осы үйде тұратын инженер Дэвид Игера бұған жуынатын бөлмелерді жалғап тұрған желдету шахталары себеп болуы мүмкін деп болжаған. Кейін ол өз күдігін ғалымдармен бөлісуді ұйғарған.

"Сарапшылар ауырған тұрғындардан алынған үлгілерге генетикалық талдау жасап, науқастардың вирусты бір-біріне жұқтырған болуы әбден мүмкін екенін растады. Содан кейін ғалымдар ғимараттағы ауа ағынының жылдамдығы мен ауа қысымын өлшеді. Тәжірибенің бірінде топ бос пәтердегі көмірқышқыл газының деңгейін күні бойы қашықтан өлшеп отырды. Бұл газ адам тыныс алғанда бөлінеді, сондықтан бос бөлмеде оның концентрациясы жоғары болуы екіталай. Соған қарамастан, пәтер іші осы газға толып кеткен", - делінген жарияланымда.

Жуынатын бөлмелерде көбіне терезе болмайды - оның орнына "түтін мұржа әсері" қолданылады, бұл кезде ортақ тік желдету шахталарындағы ауа қабырғадағы саңылаулар арқылы шығып, кейін тарап кетеді. Ауа райының өзгеруі шахтадағы ауа қысымына әсер етуі мүмкін: температура көтерілгенде ауа ағындары желдету саңылаулары арқылы кері қарай ұмтылады.

Егер ас үйдегі сорғышты қоссаңыз, жағдай тіпті ушыға түсуі мүмкін: ол санаулы минуттардың ішінде көрші жуынатын бөлмедегі бүкіл ауаны сіздің пәтеріңізге сорып алады.

Бұдан шығатын қорытынды біреу: жуынатын бөлмелердегі желдету жүйелері вирустарды бір пәтерден екіншісіне оңай тасымалдауы мүмкін. Дегенмен ғалымдар әртүрлі үйлерде жағдай айтарлықтай өзгеше болуы мүмкін екенін ескертеді. Мұның бәрі мына факторларға байланысты:

ғимараттың салынған жылы, материалдардың сапасы, үйдің қабаттылығы, үйдің күтімі (соның ішінде тазалау жұмыстары), желдету жүйелерінің сызбасы (олар әртүрлі салынады, біріңғай жүйе жоқ).

Вирустарды "айдап шығу" үшін бөлмені жиі желдетіп, дезинфекциялаушы құралдармен ылғалды тазалау жүргізіп, антисептиктерді қолданған жөн. Бұл әдіс тұрғын үйлерде де, кеңселер мен сауда орталықтарында да тиімді.

Google News арқылы жаңалықтарымызды қадағалаңыз

Жазылу

Вирус

Денсаулық

жрви

пәтер